Read Falam Chin JOB 37 Bible Online

JOB 37 - Falam Chin bible

JOB 37

¹Thlisia le ruahhrang in nasazet in ka thin an khurter,

²Nan zatein Pathian ih aw thawm ngai uh, A kaa sung ihsin a suakmi khawri thawm cu.

³Van ahl nimthlakau khuazakip ah a thlah; Leilung kilkip ah a thleng.

⁴Cule a awkhawk cu kan thei; A nasa zetmi khawri cu a thang durdo; Culai ah nimthlakau cu cat loin a tleu zohzo.

⁵Pathian ih thupek in mangbangza thil a cang, Kan theih ban lomi khawruahhar thil pawl cu.

⁶Leilung parah vur tla dingin thu a pek; A thupek vekin ruahpi vanbong in a sur.

⁷Hnaṭuantu milai pawl a cawlter, Ziangbangtuk hna a ṭuan thei ti kha theihter a duh.

⁸Ramsa pawl an puuk ah an lut, An kua ah an lut ih an kual.

⁹Thlisia cu thlanglam in a hung hrang, Khawsik cu saklam in a rung thleng.

¹⁰Pathian ih thaw in tidai a khangter, Cule a hak zetmi tikhal ah an cang.

¹¹Khawdur lakah tidai a ret, Nimthlakau an tleu zohzo.

¹²Pathian thu an thlun ih leilung kilkip an kap zukzo, Pathian ih thupek bangtuk in an um ṭheh, Leilung pumpi khuazakip ah!

¹³Pathian in leilung ciar dingah ruah a surter; Milai hremnak ah maw, Asilole a lungkimnak langternak ah maw, ruah cu a surter a si.

¹⁴Job, malte sung cawlta awla ngaihnik, Pathian ih thil mangbangza a tuah mi hi ruat hnik!

¹⁵Ziangtin Pathian in thu a pek ih Khawdur ihsin nimthlakau a tleu zohzo ti na thei thei maw?

¹⁶Khawdur cu vanah ziangtin a thawn luailo ti na thei maw? Pathian ih thil thiam zia hi!

¹⁷Sim thli a hung hran ih leilung a sat tikah, Na hnipuan le na thawsa thawn na tuar cuahco.

¹⁸Pathian in van khi a pharh ih, Thlalang vek hak in a tuah tikah, Nang na bawm theimi ziang a um?

¹⁹Pathian hnenih kan ṭong dingmi in sim hnik, Kan thu ah ṭong ding kan nei lo, Kan thinlung ah zianghman a um lo.

²⁰Ka ṭong ding hi Pathian dilta ka ṭul mawsi? Pathian ih siatsuah ding cu mi in ziangah so an hril rero ding?

²¹Van ih tleunak cu a tle nasa, A tleu tukih kan zoh ngam lo; Van cu thli in a sem fai ṭheh.

²²Saklam in sui vekih a tleumi a lang, Pathian sunlawinak maktara thawn kan thinlung cu a khat.

²³Pathian ih huham a nasa tuk ih kan naih ngam lo; Dingzet le felzet in minung hnen ah thu a rel.

²⁴Mi hmuahhmuah in an ṭih hi an mawh lo; Ka fim a ti-awtu pawl cu Pathian in zianghman ah a siar lo.