Read Falam Chin JOB 9 Bible Online

JOB 9 - Falam Chin bible

JOB 9

¹Asiko, cu pawl cu ka theih cia mi hlir an si ko. Sikhalsehla ziangtinso milai in Pathian hmaiah ahcun miding a si thei ding?

³Ziangtin so Pathian cu thu a el thei ding? Zohman ih leh thei lo dingmi thu thawngkhat khal a sut thei a sisi!

⁴Pathian ih fimnak cu a thuk tuk, A huham neihmi a kau tuk; Zohman amah dodal in a hmaiah an ding thei lo ding.

⁵Tlang pawl a ṭhawnter hluahhlo, A thinheng in a siatsuah ṭheh, In ṭhawn a si ti khal an thei lo.

⁶Pathian in ling a hninter ih, Leilung le a hramṭohnak pawl tla an hnin ṭheh a si.

⁷Pathian cun a thu in ni khi suak lo dingin a kham thei, Arsi pawl tla zanah vang lo dingin a dawn thei.

⁸Van khi puan bangin a zaar tikah Zohman in an bawm lo. Tipi sung rulhrengih zaang a ke in a palcih theitu Amah lawng a si.

⁹Pathian in vanih arsi - zaangkhua, siruk, likhuk cangthum, ngambawm le zawltling pawl a tuah a si.

¹⁰Thilmak zetzet a tuahmi pawl kan thei thei dah lo ding; Mangbangza a tuahmi pawl khal kan siar cawk dah lo ding.

¹¹Pathian cu ka kiang in a lan, Asinain ka hmu thei lo. A feh vivo ko naón ka thei thei cuang lo.

¹²A duhduh mi a lak, zohman ih kham theih a si lo. ‘Ziang so na tuah?’ ti ih thusuh ngam khal a si lo.

¹³Pathian thinhengnak cu a dai lo, A ral pawl Tipi rulhreng Rahab le a bawmtu pawl cu a palbeek thluh.

¹⁴Curuangah ziangtinso Pathian cu ka let thei ding? Ziangtin so amah el theinak ah ṭongfang ka hawl thei ding?

¹⁵Mawh nei lo ka si naón anih cu ka let thei lo, ‘I zaangfah hram aw,’ tiah ka thuṭhentu Pathian hnen ih dil lawng hi ka ti theimi a si.

¹⁶Ka ṭongnak ah tikcu i pe hman sehla, Ka ṭongmi i ngai ding ti ka zum thei lo.

¹⁷Thuhla zianghman um loin, Keimah nuai dingah thlisia a kuat; I tuahmawhnak cu a zai deuhdeuh.

¹⁸Thaw thawtnak caan hman i pe lo, Ka parih a tuahmi hmuahhmuah in ka ning i hanter sinsin.

¹⁹Kei thacahnak ka suah ding maw? Pathian tlukih thacak zoso a um? Dingnak thu ah ti sehla, Zoin so zungah a thlenpi thei ding?

²⁰Mawh neilo rintlak ka si ko naón Ka awkaa in i mawh thluk, Soisel ding um lo ka si ko naón Ka ṭongmi pohpoh in mawh in phurh.

²¹Sualnak zianghman ka nei lo, Asinain zianghman a dang nawn lo. Nun hi ka paih nawn lo. Kan sual siseh, kan sual lo khal siseh a dang lo. Pathian in in siatsuah thluh ko ding.

²³Rin lopi in mawh nei lomi a thih tikah Pathian in a hnihsan.

²⁴Pathian in leilung cu miṭha lo kutah a pek. Thuṭhentu pawl ih mit cu puan in a hup ṭheh. Cu pawl cu Pathian in a tuah lo, nan ti asile zo in so a tuah?

²⁵Ka tikcu cu ṭhatnak um loin an liam vivo, Zualkotu hnakin a zamrang sawn.

²⁶Ka nunnak ni cu a lan vivo, Papairas ih tuahmi lawng bangin; Ar a namtu khaupi bangin a zamrang a si.

²⁷Ka tuarnak cu hngilh tahrat in, Lungawi sopar ih um ka tum hmanah, Ka zonzaihnak cu keimah duum dingah an ra kirsal cing ding.

²⁸Ka harsat tuarnak hi ka ṭih, Pathian in mawh i phurh ti ka thei.

²⁹Pathian ih mawh i phurh hnuah cun Ziangah so ka ṭan duh rero ding?

³⁰Ka sualnak cu ziangvek satpia, khal in a tlengfai thei lo ding;

³¹Pathian in fihnungza kuahrum sungah i thlak; Ka hnipuan hman in in zahpi a si.

³²Pathian hi minung va sisehla, ka let thei nasa ding; Kan thu rel dingah zungah kan feh ding ih kan thu relcat a si ding.

³³Sikhalsehla kan karlak ah palai an um lo; Pathian le kei karlak ah thuṭhen theitu zohman an um lo.

³⁴Pathian, i hrem nawn hlah; ṭih na nunnak in ka thin i phangter hlah seh.

³⁵Cutin zianghman ṭihnak um loin ka ṭong ve thlang ding; Ziangahtile ka thinlung cu keimah in ka thei bik a si.