Read Falam Chin SAAM HLABU 1 Bible Online

SAAM HLABU 1 - Falam Chin bible

SAAM HLABU 1

¹Mi ṭha lo pawl ih ruahnak pekmi a saang lo ih, Mi sual lamzin a thlun lotu le Pathian a hmuhsuamtu pawl lakih a tel lotu cu mi thluasuak a si.

²BAWIPA ih Daan thlun cu a lungawinak a si, Cuih Daan cu sunzan in a ruat.

³Amah cu tiva kapih a khomi thingkung, A tikcu ih a rahmi le a hnah tla A vuai dah lomi bangtuk a si. A tuahmi kipah a hlawhtling.

⁴Asinain mi ṭha lo pawl cu cubangtuk an si lo; Thli ih semhlo mi fanghi vek an si.

⁵Mi ṭha lo pawl cu Pathian in a hnong ding; Mi sual pawl cu mi ding lakah an tel lo ding.

⁶BAWIPA in mi ding fehnak lamzin cu a kilveng ringring; Sikhalsehla mi ṭha lo cun siatralnak lamzin a zawh.