Read Falam Chin SAAM HLABU 110 Bible Online

SAAM HLABU 110 - Falam Chin bible

SAAM HLABU 110

¹[91] BAWIPA in siangpahrang ka Bawipa hnenah, “Na ral pawl na ke hnuai ih ka ret hlan lo, Hitawk ka vorhlam kapah to aw,” a ti.

²Zion ihsin na uknak cu BAWIPA in a kauter ding; “Na ral pawl uk hai aw,” a ti.

³Na ral pawl na do ni in, Na milai an tho ciamco ding. Zing thlapit ih daitla bangin, Tlang thianghlim ah na mino pawl Na hnenah an ra ding.

⁴BAWIPA in thukamnak cu siatcam in a tuah zo ih A let saal nawn lo ding. “Puithiam Melkhizedek bangtuk in, Kumkhua in puithiam na si ding,” a ti.

⁵BAWIPA cu na vorhlam kapah a um; A thin a heng ni ah siangpahrang pawl cu a neh ding.

⁶Miphun kip an thu a ṭhen ding, An raldonak hmun cu miruak in a khahter ding. Leilung pumpi ah Siangpahrang pawl cu a neh hai ding.

⁷Siangpahrang cu lamzin kap tiva ih tidai a in ding; A tha a tlung ding ih nehtu a si ding.