Read Falam Chin SAAM HLABU 113 Bible Online

SAAM HLABU 113 - Falam Chin bible

SAAM HLABU 113

¹BAWIPA thangṭhat uh! Maw BAWIPA ih siahhlawh pawl, a hmin cu thangṭhat uh.

²BAWIPA ih hmin cu atu le kumkhua in thangṭhat siseh.

³Nisuahnak ihsin nitlaknak tiang BAWIPA ih hmin cu thangṭhat in um seh.

⁴BAWIPA in miphun hmuahhmuah a uk; A sunlawinak cu van hnakin a saang sawn.

⁵BAWIPA kan Pathian bangtu zohman an um lo; Amah bangtuk ih a saang bikah um tahratin,

⁶Lei le van pawl suk zoh ih a run zoh theitu zoso a um ding?

⁷Mi farah pawl cu leivut lak ihsin a khaisaang ih, Mi tlasam pawl cu an harsatnak ihsin a cawi hai;

⁸Annih cu uktu pawl le bawi pawl ih hawipi ah a tuah hai a si.

⁹Fa nei lo nucing pawl cu, An inn ah mithmai ṭhatnak a coter; Faate a pek ih an lung a awiter a si. BAWIPA cu thangṭhat uh!