Read Falam Chin SAAM HLABU 12 Bible Online

SAAM HLABU 12 - Falam Chin bible

SAAM HLABU 12

¹[8] Maw BAWIPA, i bawm hram aw. Mi ṭha zohman an um nawn lo. Mifel pawl hmuh an theih nawn lo.

²Mi hmuahhmuah in thuphan an sim-aw ton ih, Porh awknak thawn an bum-aw ton rero a si.

³Maw BAWIPA, a porh-aw reromi lei pawl cu hlep awla, Tluang a khawng reromi kaa pawl cu phit aw.

⁴Annih in, “Kan ṭongkam in mi kan neh ding, Ka kaa hi kanmah ih ta a sisi; Zoso kan tlunah lal a ṭuan thei ding?” an ti.

⁵Cun BAWIPA in, “Mi farah zonzai pawl an namthlak ih, An hremmi pawl harnak tuar in an hui an aihram ruangah, Atu cu ka ra ding. An hiarhal zetmi humhimnak cu ka pe ding,” a ti.

⁶BAWIPA ih thukamnak cu rintlak a si. A thiangmi a si ih somei ih voi sarih tiang sermi ngun eerlet bangtuk a si.

⁷Mi ṭha lo pawl khuazakip ah an vakdarh ih, Zozo khal in ṭhat lonaktu sawn hi an uar a si. Maw BAWIPA, nangmah in in kilveng awla, Cubangtuk minung hnen ihsin in hum hram aw.