Read Falam Chin SAAM HLABU 122 Bible Online

SAAM HLABU 122 - Falam Chin bible

SAAM HLABU 122

¹[93] “BAWIPA ih innah feh uhsi!” in ti tikah ka lung a awi.

²Atu ah hinah kan um; Jerusalem kotka sungah kan ding.

³Jerusalem khawpi cu mawizet le remzet ih tundin salmi a si.

⁴BAWIPA ih thupek vek in Israel hrin pawl cun, BAWIPA hnenih lungawinak pe dingah an rat ṭheunak khawpi a si.

⁵Hi khawsungah bawi thuṭhennak tokham a um ih, Siangpahrang in a minung pawl thu ṭhen in a tonak hmun a si.

⁶Jerusalem daihnak hrangah thlacam uh: “Nangmah a lo duhtu pawl cu ṭhangso hai seh;

⁷Na khua kulhnak hruang sungah daihnak um sehla, Na siangpahrang inn sungah himnak um hram seh,” ti in.

⁸Ka sungkhat le ka hawipi pawl ruangah Jerusalem hnenah, “Daihnak na hnenah um ko seh,” tiah ka ti.

⁹BAWIPA kan Pathian ih innsang zawn ruat in, Neinung zetih na umnak dingah ka dil a si.