Read Falam Chin SAAM HLABU 124 Bible Online

SAAM HLABU 124 - Falam Chin bible

SAAM HLABU 124

¹[94] BAWIPA cu kan lamah ṭang hlah sehla, Ziang kan cang ding? Maw Israel!

²“BAWIPA cu kan lam ah ṭang hlah sehla, Kan ral pawl in in do tikah,

³Kan parih an thinhengnak nasa zet thawn, Kan nung cungin in dolh hlo thluh zo ding.

⁴Cule tilik cun in fen hlo ding ih, Tidai sungah kan pil hlo thluh zo ding.

⁵Tilian in in phim ṭheh zo ding,” tiah ti aw.

⁶BAWIPA ih hnenah lungawi thu sim uhsi; Kan ral pawl in bauhthlek thluh loih in humtu, BAWIPA hnenah cun!

⁷Thangkamtu ih thang sung ihsin, A suakmi vate bangin kan suak. Thang cu khiah ṭheh a si ih kan luat thei a si.

⁸Kan hrangih bomnak cu BAWIPA hnen ihsin a ra; Lei le van tuahtu BAWIPA hnen ihsin!