Read Falam Chin SAAM HLABU 126 Bible Online

SAAM HLABU 126 - Falam Chin bible

SAAM HLABU 126

¹BAWIPA in Zion ih in thlenpi sal tikah cun, mang lam vek a si.

²Kan hni kan kheek ih lungawi in hla kan sak; Kan kiangkap ih miphun dangdang pawl in, “BAWIPA in an hrang ah thil maksak a tuah,” an ti.

³Asi, kan hrangah thil nasa zetzet a tuah a si; Kan lung a awi zia cu!

⁴Maw BAWIPA, ruah na surter ih Negeb tiva ah, Tidai a luan sal bangtuk in, Mi neinung in siter sal hram aw.

⁵Mitthli thawn thlaici vorhtu in Lungawi zetin an khawm sal ding.

⁶Ṭap phah in thlaici vorh ih a fehtu pawl cu, Lungawinak hla sak in, Fangteel thawn in an kir sal ding.