Read Falam Chin SAAM HLABU 127 Bible Online

SAAM HLABU 127 - Falam Chin bible

SAAM HLABU 127

¹[95] BAWIPA in inn cu a sak lo ahcun, Inn saktu pawl ih hnaṭuan cu a lak a si. BAWIPA in khawpi cu a kil lo ahcun, Khua kiltu pawl ih kilvennak cu a lak a si.

²Nan pum cawmnak ah zingpit in nan tho ih, zanlam siimzet ah nan it. Zonzai ih hna nan ṭuanmi hi a lak a si. Ziangahtile BAWIPA in a duhdawtmi hnenah cun, An ṭulmi cu an ihthat sung hmanah a pek a si.

³Faate cu BAWIPA ih laksawng an si; Amah ih malsawmnak an si.

⁴No lai ih neihmi fapa cu, Ralkap ih kenmi conkiang bangtuk an si.

⁵Cubangtuk conkiang tampi neitu cu mi lungawi an si. Thuṭhennak hmun ih a ral pawl thawn an ton awk tikah, A sung hrimhrim lo ding.