Read Falam Chin SAAM HLABU 129 Bible Online

SAAM HLABU 129 - Falam Chin bible

SAAM HLABU 129

¹Maw Israel, na no lai ihsin na ral pawl in, Zaangfahnak nei loih an lo hremnak kha in sim hnik aw.

²“Ka no lai ihsin ka ral pawl in, Zaangfahnak zianghman um loin in hrem; Asinain in neh suak dah lo.

³Ka zaang ah in dawt ih, Lei an leh bangin thuk zetzet in in rai.

⁴Asinain a dingmi BAWIPA cun Saltaannak ihsin in luatter zo,” ti aw.

⁵Zion a huatu hmuahhmuah cu, ningzak in a sungmi le, a dawi kirmi si hai seh.

⁶A ṭhan reh hlanih a vuai salmi, Inn parih a khomi hrampi bangtuk si hai seh.

⁷Cuih hrampi cu zohman in an finkhawm lo ih, Fangteel bangin zohman in an phur fawn lo.

⁸A kiangih fehtu zohman in, “BAWIPA in lo thlawsuah hram seh! BAWIPA ih hmin in thlawsuah kan lo pe!” an ti lo ding.