Read Falam Chin SAAM HLABU 135 Bible Online

SAAM HLABU 135 - Falam Chin bible

SAAM HLABU 135

¹BAWIPA thangṭhat uh! BAWIPA ih siahhlawh pawl, a hmin cu thangṭhat uh!

²BAWIPA ih inn sung Kan Pathian hmun thianghlim ih a dingtu pawl, BAWIPA ih hmin cu thangṭhat uh!

³BAWIPA cu thangṭhat uh; Amah cu a ṭha a si! A hmin thangṭhatnak cu hla in sak uh; Zaangfahnak a neih ruangah.

⁴Jakob cu amah ih hrangah a hril, Israel mi khal amah ih ta dingah a hril a si.

⁵Kan BAWIPA cu a maksak a si ti ka thei; Khawzing dang pawl hnakin a tum sawn a si.

⁶Van le leilung ah siseh, Tipi le tipithuk hnuai ah siseh, Tuah a duhmi cu a tuah thei ṭheh a si.

⁷Vanhram deng ihsin khawdur a rak keng ih, Ruah le thlipi hrangah lakah nimthlakau a tuah; A thilri retnak sung ihsin thli a suahter.

⁸Izipt ram ah milai siseh, ṭilva siseh, An fatir hmuahhmuah a that ṭheh.

⁹Cutawkah khawruahhar le mangbangza a tuah ih, Faro le a kut hnuai bawi pawl a hrem.

¹⁰Miphun tampi a siatsuah ih Siangpahrang cak zetzet pawl a that a si.

¹¹Amor siangpahrang Sihon, Bashan siangpahrang Og le Kanaan ram sung siangpahrang hmuahhmuah a that hai a si.

¹²An ram cu amah ih minung, Israel mi hnenah a pek.

¹³Maw BAWIPA, na hmin cu kumkhua in a thang ding; Sankhat hnu sankhat ah na thawm a thang ringring ding.

¹⁴BAWIPA in a minung pawl a ṭan ding ih, A siahhlawh pawl parah lainatnak a nei ding.

¹⁵Miphun dangdangih milem pawl cu, Sui le ngun in tuahmi an si. Milai kut ih tuahcopmi an si.

¹⁶Kaa an nei naón an ṭong thei lo; Mit an nei naón an hmu thei lo.

¹⁷Hna an nei naón an thei thei lo; Kaa an nei naón thaw an nei lo.

¹⁸Cuih milem pawl a tuah ih a rinsantu pawl cu, An tuahmi milem bangtuk ah cang ṭheh hai seh!

¹⁹Maw Israel mi pawl, BAWIPA thangṭhat uh! Maw Pathian ih puithiam pawl, amah cu cawimawi uh.

²⁰Maw Levi mi pawl, BAWIPA thangṭhat uh! Amah a biatu in BAWIPA cu thangṭhat uh!

²¹BAWIPA cu Zion ah thangṭhat uh! A umnak Jerusalem ah cawimawi uh! BAWIPA cu thangṭhat ko uh!