Read Falam Chin SAAM HLABU 136 Bible Online

SAAM HLABU 136 - Falam Chin bible

SAAM HLABU 136

¹BAWIPA ih hnenah lungawinak thu sim uh; Ziangahtile amah cu a ṭha; A duhdawtnak cu kumkhua in a hmun.

²Khawzing pawl lakih a tum bik Pathian hnenah lungawi thu sim uh; A duhdawtnak cu kumkhua in a hmun.

³Bawi hmuahhmuah lakih bawi bik hnenah lungawi thu sim uh; A duhdawtnak cu kumkhua in a hmun.

⁴Amah lawng in mangbangza a tuah; A duhdawtnak cu kumkhua in a hmun.

⁵A fimnak in van tla khi a tuah; A duhdawtnak cu kumkhua in a hmun.

⁶Leilung cu tithuukpi parah a dinter a si; A duhdawtnak cu kumkhua in a hmun.

⁷Amah in ni le thlapi khal a tuah; A duhdawtnak cu kumkhua in a hmun.

⁸Ni cu sun uktu ah a tuah; A duhdawtnak cu kumkhua in a hmun.

⁹Thlapi le arsi pawl zan uktu ah a tuah; A duhdawtnak cu kumkhua in a hmun.

¹⁰Izipt mi pawl ih fapa upa bik a that ṭheh, A duhdawtnak cu kumkhua in a hmun.

¹¹Israel mi pawl Izipt ram ihsin a hruai suak; A duhdawtnak cu kumkhua in a hmun.

¹²A ban thacak le a kut thawm lian in; A duhdawtnak cu kumkhua in a hmun.

¹³Tipi Sen cu a ṭhen awkter; A duhdawtnak cu kumkhua in a hmun.

¹⁴Cuih sung cun a minung pawl a hruai; A duhdawtnak cu kumkhua in a hmun.

¹⁵Faro le a ralkap pawl cu, Ti sungah a pilter ṭheh hai; A duhdawtnak cu kumkhua in a hmun.

¹⁶A minung pawl nelrawn ramṭhing ah a hruai: A duhdawtnak cu kumkhua in a hmun.

¹⁷Siangpahrang cak zetzet a that ṭheh a si; A duhdawtnak cu kumkhua in a hmun.

¹⁸Siangpahrang hmin thang zetzet tla a that; A duhdawtnak cu kumkhua in a hmun.

¹⁹Amor siangpahrang Sihon a that; A duhdawtnak cu kumkhua in a hmun.

²⁰Bashan siangpahrang Og tla a that; A duhdawtnak cu kumkhua in a hmun.

²¹An ram cu a minung pawl hnenah ro ah a pek; A duhdawtnak cu kumkhua in a hmun.

²²Cuih ro cu a siahhlawh Israel hnenah a pek: A duhdawtnak cu kumkhua in a hmun.

²³Ral kan sun tikah in hngilh lo; A duhdawtnak cu kumkhua in a hmun.

²⁴Kan ral pawl kut sungin in luatter; A duhdawtnak cu kumkhua in a hmun.

²⁵Minung le ramsa hmuahhmuah rawl a pek; A duhdawtnak cu kumkhua in a hmun.

²⁶Vancung Pathian hnenah lungawi thu sim uh; A duhdawtnak cu kumkhua in a hmun.