Read Falam Chin SAAM HLABU 137 Bible Online

SAAM HLABU 137 - Falam Chin bible

SAAM HLABU 137

¹Babilon tiva kap ah kan to ih kan ṭap, Cutawkah kan ṭap, Zion kan ngai caan ahcun.

²Kan kiangih partiam kung parah, Kan ṭingṭang pawl kan thlai ṭheu.

³In kaitu pawl in hlasak in fial; Anmah lungnuamtertu dingah: “Zion thu kha hla in in sak sak uh,” an ti.

⁴Ziangtin so BAWIPA ih hla cu, Miphun dang ram ahcun kan sak thei ding?

⁵Ṭingṭang tum thiam nawn loin um ninglaw, Jerusalem nang ka lo hngilh ahcun!

⁶Nang lo cing nawn loin ka um ih, Jerusalem kha ka lungawinak saang bik ih ka ret lo ahcun, Ka lei hi ka saangkhar ah bet seh.

⁷Maw BAWIPA, Jerusalem an lak ni ah, Edom mi pawl ih an tuahmi kha cing ringring aw: “Balsiat ṭheh uh, balsiat ṭheh uh,” ti ih an au kha hngilh hlah aw.

⁸Maw Babilon, nang cu balsiat ṭheh na si ding; Kan parih na tuahmi hmuahhmuah ruangah na parih phu a latu cu mi thlawsuak a si.

⁹Na fa note pawl la tahratin, Lungto parih a vuatu cu mi thlawsuak a si.