Read Falam Chin SAAM HLABU 138 Bible Online

SAAM HLABU 138 - Falam Chin bible

SAAM HLABU 138

¹[98] Maw BAWIPA, ka thinlung zate in ka lo lawm; Khawzing pawl hmaiah na thang- ṭhatnak cu hla in ka sak ding.

²Na Biakinn thianghlim hoih in ka kuun ih, Na hmin cu ka thangṭhat; A thleng-aw dah lomi na duhdawt- nak le rintlak na sinak ruangah; Na hmin le na thupekmi pawl cu A saangbik ih na langter ruangah; Na hmin ka thangṭhat a si.

³Ka lo kawh tikah i run awi; Na thazaang in i cakter.

⁴Leilung tlun siangpahrang hmuahhmuah in, Maw BAWIPA, an lo thangṭhat ding. Ziangahtile na thutiammi an thei ṭheh zo a si.

⁵BAWIPA ih thil tuahmi hmuahhmuah le, A sunlawinak huham cu hla in an sak ding.

⁶BAWIPA cu a saang bikah a um naón mi nauta pawl ih zawn a ruat. A mithmuhnak ihsin mi puarthau an relh thei lo.

⁷Harsatnak tampi in in kulh ṭheh khalle, A heng zetmi ka ral pawl i do sak ih, Na vorhlam kut in i run a si.

⁸In tiamkam ciami hmuahhmuah cu, Na kim ter ṭheh ding; Maw BAWIPA, na duhdawtnak cu kumkhua in a hmun; Na kut in na thawh ciami na hnaṭuan cu ṭheh suak hram aw.