Read Falam Chin SAAM HLABU 141 Bible Online

SAAM HLABU 141 - Falam Chin bible

SAAM HLABU 141

¹[101] Maw BAWIPA, nangmah ka lo ko; Atu ah i bawm hram aw. Ka lo kawh tikah i ngai hram aw.

²Ka thlacamnak cu, Rimhmui ai-ah i co sak awla, Ka kut ka thlir mi cu, zanlam thawinak ai-ah i san sak hram aw.

³Maw BAWIPA, ka kaa ah kiltu re awla, Ka hmur ih sangka ah vengtu re hram aw.

⁴Thilsual tuah duh lotu si dingah i bawm awla, Mi ṭha lo pawl ih ṭhat lonak ah tel lo dingin i kham aw. An puai tuahnak khalah tel hram hlah ning law!

⁵Mi ṭha cun zawnruahnak in i kawk ding ih i hrem ko ding; Sikhalsehla mi ṭha lo in ka lu ih an toihmi cawimawinak hriak cu, ka saang dah lo ding; Ziangahtile a tuahmi thil ṭha lo duh loin thla ka cam ringring.

⁶Anmah uktu pawl lungpang khaam ihsin hlon hlo an si tikah, Ka thu a dik zia kha minung pawl in an phuang leh ding.

⁷An phel ih an sutkuai ṭhehmi lungto bangin, An ruh pawl cu thlaan kaa ah, ṭhekdarh ṭheh an si ding.

⁸Asinain BAWIPA Pathian, kei cun ka lo rinsan ringring; Nangmah ih humhimnak lawnglawng ka hawl; I thiter hram hlah aw.

⁹Ka hrangih an kammi thang ihsin i hum aw; ṭhat lonak lawng a tuahtu pawl ih thang ihsin i hum hram aw.

¹⁰Kei cu himdamte ih ka tlanleen laiah mi ṭha lo pawl cu anmah ih kammi thang ah tla hai seh!