Read Falam Chin SAAM HLABU 146 Bible Online

SAAM HLABU 146 - Falam Chin bible

SAAM HLABU 146

¹BAWIPA cu thangṭhat uh![106] Maw ka nunnak, BAWIPA cu thangṭhat aw!

²Ka nunsung hmuahhmuah amah ka thangṭhat ding; Ka nunsung cat loin ka Pathian hnenah hla ka sak ding.

³Milai hotu pawl ih parah nan rinsannak ṭhum hlah uh; A lo run thei lotu ih parah cun!

⁴An thi ih leivut ah an cang; Cuih ni ah an tumtahmi hmuahhmuah a cem ṭheh a si.

⁵Amah bawmtu dingah Jakob ih Pathian a neitu cu, Mi thlawsuak a si.

⁶Lei le van, tifinriat le a sung ummi hmuahhmuah tuahtu, BAWIPA Pathian a rinsantu cu mi lungawi a si. BAWIPA cun a thutiammi a kimter ringring.

⁷Namthlakmi pawl ṭan in thu a rel ih, Rilrawngmi pawl hnenah rawl a pek. BAWIPA in thawngtla mi pawl a luatter ih,

⁸Mitcaw pawl khua a hmuhter. Tangdor pawl a khaisaang ih, Miding pawl a duhdaw hai a si.

⁹Ram sungih ummi miphun dang pawl a hum hai ih, Nuhmei le ngakṭah fa pawl a bawm. Asinain mi ṭha lo pawl ih tumtahnak cu a siatsuah a si.

¹⁰BAWIPA cu kumkhua in siangpahrang a si ding; Maw Zion, na Pathian cun kumkhua in a uk ding. BAWIPA cu thangṭhat uh!