Read Falam Chin SAAM HLABU 15 Bible Online

SAAM HLABU 15 - Falam Chin bible

SAAM HLABU 15

¹[11] Maw BAWIPA, na biakinn ah zoso a lut ding? Na tlang thianghlim Zion ah zoso a kai ding?

²Ziang tinkim ah soisel um loih a nungtu le a dingfel ringringtu, Thungai le thudik a ruat a reltu;

³Midang a relsia lotu, A rualpi pawl hnenah thil ṭha lo a tuah lo ih, A innhnen pawl tla a relsia lotu;

⁴Misual pawl zianghman ah a siar lo ih, BAWIPA, a ṭihzahtu pawl upatnak a petu, Ziangtluk a hrangah a nat khalle A thutiam cia vekih a thlun suak ringringtu;

⁵Tangka ṭhang thawn midang a coih lotu le Mawh nei lo mawhphurter dingah nawhthuh a la lotu pawl an si ding. Hi bangtuk a tuahtu pawl cu an tlu dah lo ding.