Read Falam Chin SAAM HLABU 20 Bible Online

SAAM HLABU 20 - Falam Chin bible

SAAM HLABU 20

¹[15] Mangbang vansaangih na um ni ah Na aunak aw cu BAWIPA in lo thei hram seh. Jakob ih Pathian in lo hum hram seh.

²A biakinn ihsin bomnak lo pe sehla, Zion Tlang ihsin ṭanpinak lo pe hram seh.

³Na thawinak pekmi hmuahhmuah lo saang sehla, Mei-ur thawinak na pekmi parah a lungawi hram seh.

⁴Na lungthlitum hmuahhmuah lo pe sehla, Na tumtahmi ah lo hlawhtlingter hram seh.

⁵Cutiih na neh ruangah lungawi in kan au ding ih, Kan Pathian hmin in kan thantaar saangah kan khai ding. BAWIPA in na dilmi hmuahhmuah cu lo pe hram seh.

⁶Hriak a culhmi siangpahrang cu, BAWIPA in a bawm ti ka thei. A vancung thianghlim ihsin a aunak a run thei ih, A vorhlam kut in mi nehtu a siter.

⁷Mi hrekkhat in an raldonak rangleng an ring, A hrek in an rang an ring; Asinain kannih cun BAWIPA kan Pathian ih cahnak kan rinsan.

⁸Annih cu an bah ding ih an rilta ding, Asinain kannih cu kan thosal ding ih kan ding hnget ding.

⁹Maw BAWIPA, siangpahrang cu nehnak pe hram aw; Kan lo kawh tikah in sawn hram aw.