Read Falam Chin SAAM HLABU 30 Bible Online

SAAM HLABU 30 - Falam Chin bible

SAAM HLABU 30

¹[25] Maw BAWIPA, i run suak zo ih Ka ral pawl ih diremmi ka si lo ruangah nangmah ka lo thangṭhat.

²Maw BAWIPA ka Pathian, na hnenah bomnak dil in ka au ih nangmah in i damter.

³Maw BAWIPA, mithi khua ihsin Nangmah in i kirter sal. Thihnak khur sungah ka tla lawk naón nangmah in ka nunnak cu na humsuak sal a si.

⁴Maw rinsantlak a mithiang pawl, BAWIPA cu hla in thang ṭhat cio uh. Thianghlim bik ih a tuahmi kha ciing uhla, Lungawinak a hnenah pe uh.

⁵A thinhengnak cu mitṭhep fang a rei; Asinain a ṭhatnak cun sansung a daih. Zan ah ṭahnak um hmansehla, Zinglam ah lungawinak a thleng a si.

⁶Ka rinsan awk deuh tikah ka thinlungte in, “Neh mi ka si nawn lo ding,” tiah ka ti aw.

⁷Maw BAWIPA, ka parah na ṭha ngaingai ih, Tlangpar ih ralhruang sung um vekin himte in i ret. Sikhalsehla ka hmuh lonak ih na thuh-awk tikah cun, Ka thinlung cu ṭihnak in a khat.

⁸Maw BAWIPA, nangmah ka lo ko; Na zaangfahnak ka lo dil.

⁹Ka thih ahcun ziang ṭhatnak so na hrangah a um ding? Thlaan ih ka feh ahcun ziangso na hlawk cuang ding? Mithi in an lo thangṭhat ding maw si? A cat dah lomi na ṭhatnak hi an phuang thei ding maw?

¹⁰Maw BAWIPA, i thei awla i zaangfah hram aw. BAWIPA, i bawmtu si hram aw.

¹¹Ka riahsiatnak cu lungawi ih laamnak ah i thleng sak zo. Ka riahsiatnak khumdip puan cu i hliit sak ih, Lungawinak hnipuan i hrukter zo.

¹²Curuangah daiziarzi cun ka um lo ding; Nangmah thangṭhatnak hla ka sak ding. Maw BAWIPA, nangmah cu ka Pathian na si. Na hnenah lungawinak kumkhua in ka sim ding.