Read Falam Chin SAAM HLABU 43 Bible Online

SAAM HLABU 43 - Falam Chin bible

SAAM HLABU 43

¹Maw Pathian, ka thu i rel sak awla, Pathian thei lomi pawl ih hmaiah, Sual nei lo ka sinak hi i than sak aw. Mi ṭha lo le mibum thiam pawl ihsin i run aw.

²Nangmah cu i humhimtu na si; Ziangah so i thlauthlak? Ka ral pawl ih in tisiatnak cu Ziangah so ka tuar hrih ding?

³Na tleunak le na thudik i pe hram awla, Na tlang thianghlim Zion ah le Na umnak na Biakinnpi ah i hruai kir hram hai seh.

⁴Cuticun maw Pathian na biakṭheng ah ka feh ding; Lungawinak le aipuannak i pek ruangah maw Pathian, ka Pathian, Tingrisit tum phah in thangṭhatnak hla ka sak ding.

⁵Ziangah so hitluk lawmmam in ka riah a siat? Ziangah so hitluk lawmmam in ka thinlung a bang? Asinain ka ruahsanmi cu Pathian lawng a si. Amah cu ka thangṭhat sal ding. I Runtu le ka Pathian cu!