Read Falam Chin SAAM HLABU 5 Bible Online

SAAM HLABU 5 - Falam Chin bible

SAAM HLABU 5

¹[2] Maw BAWIPA, ka ṭongmi hi ngai hram awla, Ka hui ka aihramnak hi thei hram aw.

²Ka Siangpahrang le ka Pathian, Bomnak dil ih ka au-nak hi I ngaisak hram aw. Maw BAWIPA, na hnenah thla ka cam,

³Zingtin ka thlacamnak cu na thei, Ni a suah tikah ka thuhla cu na hnenah ka thlenter; Cule na thulehnak hngak in ka um.

⁴Sual tuahnak ah lungawitu Pathian na si lo; ṭhat lonak cu na hnenah na umter lo.

⁵Mi tluangkhawng pawl cu na hmu thei lo; Mi ṭha lo hmuahhmuah na hua a si.

⁶Thuphan pertu hmuahhmuah na siatsuah ih, Thisen suah hiartu le mibum hmang pawl cu na fih hai.

⁷Sikhalsehla a hmunmi na duhdawtnak a natsat ruangah, Kei cu na inn sungah ka lut ding; Na Biakinn thianghlim sungah ka lo bia ding ih, ṭihzahnak thawn na hmai ah ka kun ding.

⁸Maw BAWIPA, ka ral an tam ngaingai, Na duhmi tuah dingah i hruai aw. Ka thlun theinak dingah na lamzin tluangter aw.

⁹Ka ral pawl ih ṭongkam cu rintlak a um hrimhrim lo; Mi siatsuah lawng an duh. An kaa cu thlaanka ong-aw vek a si, An lei cu a naalzet ih mibum a thiam ngaingai.

¹⁰Maw BAWIPA, annih pawl cu hnong awla hrem hai aw. An khawkhannak ṭha lo cu an tluknak ah canter aw. An sualnak a tam ruangah le Nangmah an lo dodal ruangah Na umnak ihsin hlon suak hai aw.

¹¹Na hnenih himnak a tongtu cu an lung a awi ding, Lungawi in hla an sak ringring ding. A lo duhdawtu cu na hum hai a si. Nangmah ih ruangah annih cu mi lungawi taktak an si.

¹²Maw BAWIPA, mi ding pawl cu na thlawsuah hai ih, Na zaangfahnak thawn phaw bangin na hum a si.