Read Falam Chin SAAM HLABU 52 Bible Online

SAAM HLABU 52 - Falam Chin bible

SAAM HLABU 52

¹[45] Maw micak pa, ziangah so thil sual na tuahmi cu tluang na khawnpi rero? Pathian ih rintlak sinak cu kumkhua in a hmun.

²Nang cun midang siatsuah ding na ngaihtuah; Na lei cu lumehnak namte vekin a hriam. Cat loin thuphan na per ringring.

³A ṭhami hnakin a siami na duh sawn ih, Thudik hnakin thudik lo na tlaihsan sawn a si.

⁴Maw thuphanper pa, na ṭongkam in midang thinlung natter khi nuam na ti zet.

⁵Curuangah Pathian in a lo siatsuah ding, kumkhua in; A lo kaihrem dingih na puanthlam ihsin a lo phih suak ding. Minung umnak ram ihsin a lo hlon ding.

⁶Cumi cu midang pawl in an hmuh tikah an ṭih ding. An lo hnihsan ding ih,

⁷“Zohhnik uh, humhimnak duh ah Pathian rinsan loin amah ih lennak sawn a rinsantu, Lung hnangamnak cu ṭhat lonak in a hawltu pa hinah a um,” tiah an lo ti ding.

⁸Sikhalsehla kei cu Pathian inn kiangih a kho mi, Olif thingkung bangtuk ka si. A hmunmi a duhdawtnak cu kumkhua in ka rinsan a si.

⁹Maw Pathian, na thil tuah cia mi ruangah, Ka lo lawm ringring ding. Na minung pawl ih tonkhawmnak hmun ah na ṭhat zia cu ka aupi ringring ding.