Read Falam Chin SAAM HLABU 53 Bible Online

SAAM HLABU 53 - Falam Chin bible

SAAM HLABU 53

¹[46] Mi aa pawl cun an thinlung tein, “Pathian a um lo,” an ti. Minung hi ziangtlukinso an siat? Tuksumza thil tampi an tuah! Thil ṭha tuahtu pakhatte hman an um lo.

²Minung lakah fimnak a neitu le Pathian a betu pakhat tal an um maw tiah Pathian in vancung ihsin a run zoh.

³Asinain an zate in an pial ṭheh! An nunzia tiangin a borhbah ṭheh a si. Zohman thilṭha tuahtu an um lo. Pakhatte hman an um lo.

⁴BAWIPA in, “Hi mi ṭha lo pawl hi, Theihthiamnak zianghman a nei lo mi maw an si? Minung in saang an ei vekin, Ka minung pawl an ei ṭheh a si. Ka hnenah thla an cam fawn lo,” a ti.

⁵Sikhalsehla annih cu ṭihphang in an um ding. An neih dah keel lomi ṭihphannak an nei ding. Ziangahtile Pathian in nan ral pawl ih ruh cu a ṭhekdarh thluh. An tumtahmi hmuahhmuah a cemter ṭheh, Ziangahtile annih cu a hnonmi an si.

⁶Zion ihsin Israel hnenah runnak ra sehla ka va duh so! Pathian in a minung pawl a ṭhansoter saal tikah, Jakob ih tesinfa pawl an lung a awi ding ih, Israel mi pawl an ai a puang zet ding a si.