Read Falam Chin SAAM HLABU 54 Bible Online

SAAM HLABU 54 - Falam Chin bible

SAAM HLABU 54

¹[47] Maw Pathian, na huham in i run awla, Na cahnak in i luatter hram aw.

²Maw Pathian, ka thlacamnak ngai awla, Ka ṭongkam i theihsak hram aw.

³Mi puarthau pawl keimah do dingah an ra ih, Mi zaangfah nei lo pawl keimah that dingah an ra. Pathian zianghman ih a siar lo minung pawl cu!

⁴Pathian cu i bawmtu a si ih BAWIPA cu ka nunnak a cawmdawltu a si, ti ka thei.

⁵Pathian in ka ral pawl cu anmah ih ṭhat lonak in hrem seh. Rinsan tlak a si ruangah ka ral pawl cu a siatsuah hai ding.

⁶Maw BAWIPA, lungawi zetin na hnenah thawinak ka pe ding. Lungawi in ka lo thangṭhat ding. Ziangahtile nang cu na ṭha.

⁷Ka harsatnak hmuahhmuah sungin i luatter zo ih, Ka ral pawl an sun kha ka mit in ka hmu zo.