Read Falam Chin SAAM HLABU 58 Bible Online

SAAM HLABU 58 - Falam Chin bible

SAAM HLABU 58

¹[51] Maw uktu pawl, dik zetin thu hi nan ṭhen ngaingai maw? Mi hmuahhmuah diktein an thu nan ṭhen sak ngaingai maw?

²Asilo! Thil ṭha lo tuah nan tummi lawnglawng nan ruat ih, Hi ram sung thisen a luangtertu cu nanmah nan si.

³Mi ṭha lo pawl cu an nu ih pum sung ihsin an ṭha lo cia; An suahthlak in an pial ih thuphan an per a si.

⁴Rul vekin tur an nei ih an tur cu thihsii a si. Thu theih duh lo ah an hna an phit.

⁵Rul ai nei ih aw siseh, mitkher thiam ih aw siseh, A thei thei nawn lotu rulngan hnaset bangtuk an si.

⁶Maw Pathian, an ha pawl khiak ṭheh aw; Maw BAWIPA, hi ṭihnungza kiosa pawl ih ho cu thlong ṭheh aw.

⁷A dokmi tidai bangin cem ṭheh hai sehla, Lamzin ih palbeek mi hrampi bangin vuai ṭheh hai seh.

⁸Kharkhem a feh phah ah a hnang ih a cemral bangin si hai seh. A thi cia in a suakmi naute Khawtleu a hmuh dah lo vekin si hai seh.

⁹Cuih thu an theih hlanah hram bur bangin tan ṭheh an si. Pathian thinhengnak in an nun lai rori ah thlisia bangin a semhlo thluh hai ding.

¹⁰Miding pawl in misual pawl hremnak an tuar kha an hmuh tikah an lung a awi ding. Mi ṭha lo pawl ih thisen ah an ke an kholh ding.

¹¹Cutikah mi in, “Miding pawl in laksawng an ngah ngaingai, Leilung pumpi thuṭhentu Pathian a um ngaingai a sihi!” an ti ding.