Read Falam Chin SAAM HLABU 61 Bible Online

SAAM HLABU 61 - Falam Chin bible

SAAM HLABU 61

¹[54] Maw Pathian, ka aunak ngai hram awla, Ka thlacamnak i theihsak hram aw.

²Ka thin a pih ruangah vanhram deng ihsin nangmah ka lo ko. Keimah hnakih a saangmi himnak lungpi ah i khor hram aw.

³Ziangahtile nang cu ka beunak lungpi na si; A khoh zetmi ka ṭannak ralhruang na si.

⁴Ka nundam sung hmuahhmuah, Na puanthlam sungah i umter aw. Na thla hnuai ah himnak i coter hram aw.

⁵Maw Pathian, ka thutiam pawl na thei zo ih, Nangmah a lo ṭihzahtu pawl ih ro cu i coter ve a si.

⁶Siangpahrang ih nunkhua sauter hram aw. Kum tampi nung vivo hram seh.

⁷Maw Pathian, na hmaika ah kum reipi uktu si hram seh. A hmunmi duhdawtnak le rintlak na sinak in hum hram aw.

⁸Cuticun ka thutiammi nitinte kimter phah in, Na hmin thangṭhatnak cat loin hla in ka sak ding.