Read Falam Chin SAAM HLABU 64 Bible Online

SAAM HLABU 64 - Falam Chin bible

SAAM HLABU 64

¹[57] Maw Pathian, harsatnak ka tong; Ka thlacamnak ngai hram aw. Ṭihnungza ka ral pawl kut ihsin i run hram aw.

²Mi ṭha lo pawl ih phiarthupnak in i hum awla, Misual burpi lakin i run aw.

³An lei cu ralnam hriam bangin an taat ih, An ṭong siava cu conkiang bih in an bih.

⁴Mi an bawhnak ihsin an conkiang in mi ṭha pawl an sai; Rinlopi ah an sai; Phanmi zianghman an nei lo.

⁵Thu ṭha lo tawlrelnak ah pakhat le pakhat an forh aw. An thangkammi ṭhate ih thup ding lawng an ruat. “Zohman in hmu lo ding,” an ti.

⁶Thil ṭha lo an ngaihtuah ih, “Mi siatsuah dingah fel zetin kan tawlrel zo,” an ti. Minung ih thin le lung hi mangbangza a va si so!

⁷Asinain Pathian cun a conkiang in a sai hai ding ih, Rinlopi ah hma an pu ding.

⁸An ṭongkam a siat ruangah a siatsuah hai ding, Anmah a hmutu hmuahhmuah in tuksum in an lu an thing ding.

⁹An zate in ṭihphang in an um ding; Pathian ih thiltuahmi cu an sim ding ih, A hnaṭuanmi pawl an ruat ding.

¹⁰BAWIPA ih thiltuahmi ruangah Miding pawl an lung a awi ding. A hnenah himnak an tong ding. Mi ṭha pawl hmuahhmuah in amah cu an thangṭhat ding.