Read Falam Chin SAAM HLABU 65 Bible Online

SAAM HLABU 65 - Falam Chin bible

SAAM HLABU 65

¹[58] Maw Pathian, Zion ah kan lo thangṭhat ding ih, Kan thukammi cu kan kimter ding;

²Mi thlacam na theihsak ruangah. An sualnak a tam ruangah khuazakip in,

³Mi tampi na hnenah an ra ding. Kan sualnak in in neh ṭheu naón, Nangmah in in tlengfai sak ṭheu.

⁴Nangmah ih na hrilmi pawl cu mi lungawi an si; Na hmun thianghlim ih na umter mi tla mi lungawi an si. Na innih thil ṭha le na Biakinn thianghlim ih thlawsuahnak in kan hna in ngamter ding.

⁵Thil mangbang maksak tuah tahrat in in run let ih in run. Leilung khuazakip le tipi ral ih minung khal in nang an lo rinsan.

⁶Na cahnak in tlang pawl cu na toh ih, Cuticun na huham na langter.

⁷Tifinriat awn thawm le tisuar thawmvang pawl na daihter ih, Mi tampi ih awn-au thawm khal Nangmah in na daiter a si.

⁸Thil maksak pawl na tuah ruangah, Leilung pumpi in an lo ṭih. Na thil tuahmi ruangah lungawi au-nak thawm cu, Leilung khatlam dengin khatlam deng tiang a khawk a si.

⁹Leiram na duh ruangah ruah na surter, Leiram ṭha le leiram thlum-al ah na tuah. Na tuahmi tiva pawl cu an caar dah lo ih, Lei parah lo rawl an ṭoter. Cutluk fel in thil na tuah.

¹⁰Leileh mi ah ruah tampi na surter ih tidai in na ciarter. Leilung cu ruahti in na nemter, Cule thlaikho pawl na ṭhanter.

¹¹Na ṭhatnak in ziangtluk rawl tam so a suahter! Na fehnak kipah ziang hmuahhmuah duhzat in a um.

¹²Hramhring lakah cun ṭilva an khat; Tlangtluan pawl cu lungawinak in an khat.

¹³Leenkolh hmuahhmuah cu tuurual in an khat ih, Phairawn pawl cu sangvut in a khat thluh. Lungawi in an au ih hmunkhat ah hla an sak.