Read Falam Chin SAAM HLABU 83 Bible Online

SAAM HLABU 83 - Falam Chin bible

SAAM HLABU 83

¹[75] Maw Pathian, ṭong lo in um hlah aw; Daite in um hlah, maw Pathian; Dai zirziar in um hlah aw.

²Zohhnik, na ral pawl an tho ciamco; A lo huatu pawl ral an tho a si.

³Na minung pawl a thupte in a phiar an tum; Na hummi pawl an dodal tum a si.

⁴“Ra uh, an miphun in an ci hmit uhsi, Israel cu a kumkhua in, Hngilh lantami miphun ah cang seh,” an ti.

⁵An khawkhanmi ah an lung a rual aw; Nangmah dodal duh ah an ṭang tlang a si.

⁶Edom mi, Ishmael mi, Moab mi le Hagar mi pawl,

⁷Gebal mi, Ammon mi, Amalek mi, Filistin mi le ṭai-ar mi pawl,

⁸Assiria mi le a cak zetmi Lot ih tefa, Ammon mi le Moab mi pawl tla an tel a si.

⁹Midian mi parih na tuah vekin, Kishon Tiva ah Sisera le Jabin parih na tuah vekin, Annih par khal ah tuah ve aw.

¹⁰Endor ah na neh hai ih An ruak cu leilung parih a thut thluh vek khan!

¹¹Oreb le Zeeb parih na ti vekin An uktu bawi par khal ah tuah ve aw. Zebaj le Zelmunna na neh vekin An hotu pawl cu neh ve aw.

¹²Annih cun, “Pathian ta a si mi ram cu, Kanmaió ram ah kan cangter ding,” tiah an ti.

¹³Maw Pathian, leivut vekin ṭhekdarh thluh hai aw; Fanghii thli ih a sem hlo thluh vekin.

¹⁴Meisa in tupi a kaang ih Meihliau in tlang pawl a ur ṭheh vekin.

¹⁵Anmah cu na thlisia in dawihlo awla, ṭihnungmi na thlipi in an thin phanter aw.

¹⁶Maw BAWIPA, na hmin an theihnak dingah, An mithmai cu ningzahnak in khatter aw.

¹⁷Ral ih neh ringringmi si hai sehla, Kumkhua in an thinphang seh. Mualpho neekneek in thi hai seh.

¹⁸Leilung pumpi uktu BAWIPA cu Nangmah lawng na si ti hi thei hai seh.