Read Falam Chin SAAM HLABU 86 Bible Online

SAAM HLABU 86 - Falam Chin bible

SAAM HLABU 86

¹[78] Maw BAWIPA, ka lam hoi awla i run sawn aw, Ziangahtile mi derdai le bawmtu nei lo ka si.

²Thihnak ihsin i hum aw, Ziangahtile nangmah a lo tlaihsantu ka si. I run aw, ziangahtile na siahhlawh ka si ih, Nangmah a lo rinsantu ka si.

³Maw Bawipa, nangmah cu ka Pathian na si ruangah ka parah zaangfahnak nei hram aw. Sun nihlawh na hnen thla ka cam.

⁴Maw Bawipa, na siahhlawh hi a nunnuamter aw, Ziangahtile ka thlacamnak cu na hnenah a hung thleng.

⁵Maw Bawipa, nang cu na ṭha ih mi na ngaithiam; Na hnenih thla a camtu pawl hrangah cun a hmunmi duhdawtnak in na khat a si.

⁶Maw BAWIPA, ka thlacamnak ngai aw; Zaangfah dil ih ka aunak thei hram aw.

⁷Harsatnak ka ton tikah nangmah ka lo ko; Ziangahtile ka aunak na thei ṭheu a si.

⁸Maw BAWIPA, nangmah a lo bangtu pathian dang an um lo. Na tuah theimi tuah theitu zohman an um lo.

⁹Na seemsuahmi miphun pawl hmuahhmuah in na hnenah an ra ding ih an lu an kuun ding. Na hmin an thangṭhat ding;

¹⁰Ziangahtile Pathian nangmah lawng a cak zetmi na si ih, Nangmah lawng mangbangza tuahtu na si.

¹¹Maw BAWIPA, tuahter i duhmi cu i zirh awla, Rintlak zetin na thu ka thlun ding. Thinlung takte ih a lo riantu si dingah nangmah in i zirh hram aw.

¹²Bawipa ka Pathian, ka thinlung zatein ka lo thangṭhat ding. Na maksak zia hi kumkhua in ka tlang-aupi ding.

¹³A hmunmi na duhdawtnak hi Ka hrangih a tumzia cu! A thukmi Sheol ihsin i runsuak zo a si.

¹⁴Maw Pathian, mi puarthau pawl keimah ral dingin an ra; Mi zaangfah nei lo pawl in a thah in tum a si. Nangmah zianghman ih a lo siar lotu pawl cu!

¹⁵Maw Bawipa, nang cu mi zaangfahtu le mi duhdawtu Pathian na si; Mi thinsau na si ih thinpemnak na nei ringring; Rintlak Pathian na si.

¹⁶Ka lam hoikir awla i zaangfah hram aw; Ka tha cakter awla i run hram aw. Ziangahtile i hringtu ka nu ih a lo ren vekin, Nangmah ka lo rian a si.

¹⁷Maw BAWIPA, na ṭhatzia cu langter hram aw; Hnemnak le bomnak i pekmi an hmuh tikah i huatu pawl cu an ning a zak ding.