Read Falam Chin SAAM HLABU 95 Bible Online

SAAM HLABU 95 - Falam Chin bible

SAAM HLABU 95

¹Ra uh, BAWIPA cu thangṭhat uhsi! In humtu le in runtu hnenah Kan lungawinak hla in sa uhsi!

²Lungawinak thawn a hmaiah feh uhsila, Thangṭhatnak hla cu aipuang in sa uhsi!

³Ziangahtile BAWIPA cu a mak zetmi Pathian a si. Khawzing hmuahhmuah tlun ah a tum bik siangpahrang a si.

⁴Leilung pumpi hi a kut sungah a um; A thuk bikmi khur ihsin a saang bikmi tlang zim tiang, Amah in a uk ṭheh a si.

⁵Amah tuahmi tifinriat khi a uk ih a seemsuahmi leilung khal a uk a si.

⁶Ra uh, kan lu kuun in a mah cu bia uhsi; BAWIPA, in tuahtu hmai ahcun kan khuk bil uhsi.

⁷Amah cu kan Pathian a si. Kannih cu a kilkhawi mi a minung kan si ih, A khalh mi tuurual kan si. A thusimmi cu tuihsun ah ngai hnik uh:

⁸“Nan pu le nan pa Meribah ah, Mi lungruh an rak sivek cun si ve hlah uh. Massah nelrawn ih an rak si vek si ve hlah uh.

⁹In rak hniksak ih an hrangih ka tuahmi hmuahhmuah An hmu ko naón in rak dodal thotho.

¹⁰Kumpi kum sawmli sung hi minung pawl ih nunzia cu ka khop neekneek a si. ‘Ziangtluk rintlak lo minung so an si? Ka thukham pakhatte hman an thlun duh lo hi!’ ka ti.

¹¹Ka thin a heng ngaingai ih, ‘Colhnak ka lo pe hai ding, ka timi ram cu, Nan thleng hrimhrim lo pei!’ tiah siatcam in thu ka kam a si,” a ti.