Read Falam Chin SAAM HLABU 99 Bible Online

SAAM HLABU 99 - Falam Chin bible

SAAM HLABU 99

¹BAWIPA cu siangpahrang a si, Leilung minung pawl an khur; BAWIPA cu cherubim tlunih a siangpahrang tokham ah a to; Leilung cu a hnin ṭheh.

²BAWIPA cu Zion ah a um ih a nasa ngaingai; Miphun hmuahhmuah Cungsin Uktu a si.

³Mi hmuahhmuah in a maksakmi le a sunglawimi, A hmin cu an cawimawi ding. Amah cu a thianghlim a si.

⁴Maw a cak bik siangpahrang, nang cun a dikmi na duh; Israel hnenah dingthluk lairelnak na thlenter; Nangmah in dingfelnak le bangrannak na thlenter a si.

⁵BAWIPA kan Pathian cu thangṭhat uh; A siangpahrang tokham hmai ah kuun uhla bia uh; Amah cu a thianghlim a si.

⁶Moses le Aaron a puithiam an si. Samuel khal amah a biatu a si. BAWIPA an ko ih a run let.

⁷An hnenah khawdur zual sung ihsin thu a sim; An hnenah daan le thukham pawl a pekmi cu annih in an thlun.

⁸Maw BAWIPA kan Pathian, na minung pawl na run let hai. An sual ruangah na hrem hai naón, Minung sualnak ngaithiamtu na si zia cu an hnenah na langter.

⁹BAWIPA kan Pathian cu thangṭhat uh; A tlang thianghlim ah bia uh; BAWIPA kan Pathian cu a thianghlim a si.