Read Falam Chin THUFIM 6 Bible Online

THUFIM 6 - Falam Chin bible

THUFIM 6

¹Ka fapa, midang ih lei an baak awknak ah, Kamawknak na nei dah maw?

²Nangmaió ṭongkam in a lo awk ih, Nangmaió kamawknak in a lo hreng maw?

³Cuti asile ka fapa, cu pai kut sungah na um ih, Hiti lawng in na hlit aw thei ding. A hnenah zamrang in va feh awla suah va dil aw.

⁴Itthat in cawl meen aw hlah.

⁵Sakap pa ih kut sung ihsin vate le zukneng an tlan suak bangin Thang sung ihsin suah ding tum aw.

⁶Mi zaangzel pawl cun sihte khi va zoh seh, Sihte nuncanzia zoh in zir seh.

⁷Annih cu hruaitu upabik le lal le uktu an nei lo;

⁸Asinain ṭhal sungah rawl an khawl ih, Thlatang hrangah an ralring cia.

⁹Mi zaangzel pa cu ziangtik tiang so a ihthat hrih ding? Ziangtikah so a thawh ding?

¹⁰Amah cun, “Malte sung ka zauta pei, Caan malte sung kutsih in ka cawlta pei,” a ti.

¹¹Asinain a ihthat sungah farahnak a tong ding, Hriamnam thawn rukru in a thilri an lon mipa bangin, Tlasam in a um ding.

¹²Santlai lo le mi siava pawl cu Thuphan per dingin an tawi vak ṭheu.

¹³Mitsinhnak le mithmai hmuh awknak in an lo leemsiah ding.

¹⁴Cutiin an thinlung siava in ṭhat lonak khua an khang ih, Hmun kipah harsatnak an suahter a si.

¹⁵Cuih ruangah an hnenah harsatnak kha rinlopi in a thleng dingih, Thihpi tlak in hriamhma an pu ding.

¹⁶BAWIPA in a huat mi thil paruk a um, A fih mi thil pasarih a um. Puarthau mithmai, thuphan pertu lei, misual lo a thattu kut, sualralnak lawng khuakhangtu thinlung, thilsual tuah dingah a khul a rangtu ke, thuphan per tahrat in thu theihpitu sinak, unau pawl lakih harsatnak a suahpi ṭheutu pa, Hi pawl hi BAWIPA ih fih mi an si.

²⁰Ka fapa, na pa ih sim bangin tuah awla, Na nu ih zirh mi kha ziangtik hmanah hngilh hlah aw.

²¹An sim mi thu tla kha ciing ringring awla, Na thinlung sungah khum aw.

²²Khual na tlawn tikah an lo zirhmi thu tla in a lo hruai dingih, Zan ah a lo kilkhawi dingih, sunah ruahnak a lo pe ding.

²³An lo zirhnak cu a tleu ringring dingih, An nun simnak khan nundaanzia a lo zirh ding.

²⁴Nunau ṭha lo le mi nupi pawl ih leemsiahnak ihsin a lo humhim ding.

²⁵Na thinlung in an mawinak hahio hlah awla, An mitpar in lo kai hlah seh.

²⁶Mi pakhat in hlawhhlangnu cu, saang hlom khat man thawn a saang thei, Asinain nu le pa sualnak cun a nunnak ih sumsaw hmuahhmuah A cemralter ding a si.

²⁷Na puan kaang lotein na ṭaangah meisa na ret thei maw?

²⁸Na ke kaang loin meiling parah na feh thei maw?

²⁹Cubangin midang nupi thawn ih tlang hi a ṭihnung zet mi a si ih, A ih pitu poh cu hremnak an tuar ding a si.

³⁰Rilrawng ih rawl a firtu khi an nautat lemlo,

³¹Asinain an kaih asile a let sarih in a ruul sal dingih, A neih hmuahhmuah in a pek ding.

³²Asinain midang nupi thawn a sualtu cu ruahnak nei lo mi aa a si. Amah le amah a siatsuah aw.

³³Hremnak tuar in a hmin a sia ding; Kumkhua in ningzah a phur ding.

³⁴Pasal in a nupi a zum nawn lo asile, Nasazet in a thiik ih a lehrulhnak cu a dai thei nawn lo.

³⁵Ziangvek sum le saw pek khalle a saang duh lo ih, Ziangvek luh lemnak khal in a thinlung a daiter thei lo.