Read Falam Chin THUSIMTU 1 Bible Online

THUSIMTU 1 - Falam Chin bible

THUSIMTU 1

¹Jerusalem siangpahrang, David fapa Thusimtu ih sim mi pawl:

²Thusimtu in hiti in a ti, Zianghman an si lo, zianghman an si lo; Thil hmuahhmuah hi zianghman an si lo;

³Milai in leilung tlun a nun sungih a hnaṭuan mi le a zonzaih mi hmuahhmuahnak in ziang ṭhathnemnak so a ngah?

⁴Sankhat a liam ih sandang a ra suak, Asinain leilung cu a hmun ringring ko.

⁵Ni khal a suak ih a tla sal, Cule a suahnak lamah a kir ih a suak sal lala.

⁶Thli cu thlanglam ah a hrangih saklam khalah a hrang; A heel aw vivo ih a thoknak a thleng kir sal.

⁷Tiva hmuahhmuah tifinriat ah an luang, Sikhalsehla tifinriat cu a khat cuang lo; Tiva cu an hna lamah an kir salih, An luan keel in an luang sal.

⁸Thil hmuahhmuah hi thinlung rethei tertu an si; Minung kaa in sim cawk ding a si lo. Mit in thil a hmuh mi hi khawh ti a nei lo, Hna khalin a theih mi hi nin ti a nei lo.

⁹Thil a um zo mi kha a um sal ding; Thil tuah cia mi kha tuah sal an si ding; Vanrang hnuai ah hin thil thar zianghman a um lo.

¹⁰Zotal in, “Zohhnik uh, himi hi thilthar a si!” an ti thei mi a um dah maw? A um lo, Kan seem hlanpi ih a rak um cia mi hlir an si.

¹¹Hlanlai san kha zohman in an thei nawn lo; A ra thleng ding mi san khal cu An nehhnu ih san pawl in an thei nawn lo ding.

¹²Kei Thusimtu hi Jerusalem ah Israel siangpahrang ka rak si.

¹³Cule vanhnuai ih thil umdaan hmuahhmuah pawl hi fimnak hmangin theihfel le hmuhsuak dingah ka thinlung in ka ngaihtuah. Pathian in milai parah harsatnak a pekmi hi ka zoh tikah riahsiatnak ngaingai a si.

¹⁴Leilung tlunih thil tuah mi hmuahhmuah hi ka hmu zo. Zohhnik uh, zianghman an si lo; thli dawi rero sehla cu bangtuk men an si.

¹⁵A kawi cia mi cu dingter a theih lo, A um lo mi cu siar a theih lo.

¹⁶Keimah le keimah cu: “Ka hlanih Jerusalem a rak uktu hmuahhmuah hnakin fimnak tam sawn ka nei. Ka thinlung in fimnak le theihnak cu nasazet ka nei a si,” ka ti aw.

¹⁷Cuticun ka thinlung cu fimnak thei dingah le aatnak le fimlonak khal thei dingah ka hmang. Cukhal cu zianghman an si lo; thli dawi rero vek thotho a si.

¹⁸Fimnak a tam tikah buainak a tam, Theihnak a tam tikah riahsiatnak a tam.