Read Falam Chin SOLOMON HLA 5 Bible Online

SOLOMON HLA 5 - Falam Chin bible

SOLOMON HLA 5

¹Ka hmuanduum sungah ka ra zo, Ka lung duh le ka ham cia mi! Ka mura le rimhmui ka khawm; Ka khuaitizu thlar thawn ka ei, Ka sabitti le cawhnawi ka in. Ei uh, in uh, duhdawtmi tla, Duh-awknak nan rit hlan tiangin.

²Ka vung zau ah me rem thiam lo, Zan ka mangah ka duhdawt mi in ruuninn king ngai. Ra lut ning law, ka duh bikmi, Ka thuro le ka thinhnemtu, Ka lu daitla in a ciarter, Ka sam cu mero cumci in a hnawng ṭheh zo.

³Ka hnipuan pawl ka hlit ṭheh zo, Ziangah ka hruk sal duh nawn ding? Ka ke tla ka kholhfai ṭheh zo, Ziangah ka baalter sal duh ding?

⁴Lung ka duh cun sangka run tham, A rat thei ing, um rem thiam hlang.

⁵A luh ding lai caang in cuan ing, Ka kut zaṭial mura zihmui culhta ing khaw, Ka kut zung mura zihmui ti ka riimter, Ruuninn on lainak ah sangka cu rak pawk ing.

⁶Ka lungduh hrang innkhar ka ong, Hmanseh valpa a liamhlo zo; Ziangbang a aw theih nuam ing maw? Khua ka cuanah a um nawn lo. Ko hman ningna a thei si lo.

⁷Khawpi kilvengtu in kei in hmu, An duh tawk in in vuak in hliam, Ralhruang kiltu pawl in ka lukhuh an thlek.

⁸Jerusalem leengnu rual tla, Lung ka duh val nan ton ahcun, Zuun rim ngai in par bang uai ee, ti in biathli hei than hram uh.

⁹Lengdang lakah mawi cuang hlei nu, Lung na tum val, midang lakah cuangce hmen maw? Ziang bang sunglawi mi piang a si? Thutiam kan lo peknak dingah.

¹⁰Mawi in cak ee, ka valpa cu, Thawnghra lakah a piang hleice.

¹¹A hmai daarti lon bang a ngil, A sam kir deuh nawnten a um. Tlang ak vek in a dum zenzi.

¹²Tiva kiangih thuro bangin a mit a mawi, Tivakap ding hnawiti kholhfai thuro bangin.

¹³A biang cu pangpar le rimhmui in a khat mi, Hmuanduum bang duhnungte a si. A hmur lili pangpar a bang, Mura zihmui ti in a ciar.

¹⁴A kut an mawi soi ding um lo, Lung mankhung bik zunghruk a hruk; Lungsen mankhung ben mi saiho, bangin a taksa ngil zenzi.

¹⁵Sui kheng sungih lungvar mankhung, Ret mi bangin a cawn a vaar. Ka valpa cu patling hleice, Sidar thingsaang dinnak Lebanon tlang khi hei hluan.

¹⁶A hmur thlum cu hnam ding a nuam, A thu tinkim ka ruat tikah ka zaang i zuun. Ka ngai mi cu cuvek a si, Jerusalem khua nunau pawl.