Read Falam Chin SOLOMON HLA 7 Bible Online

SOLOMON HLA 7 - Falam Chin bible

SOLOMON HLA 7

¹A cungsin ce leengnu na si, Vai tuah kedam hruk nang na mawi; Na cawn mawi ee, vaimi thiam thil zung suakte bang.

²Rimhmui catlo a umnak sabit kheng, Cuih khengte bang na lai mawi ee; Lili pangpar mawite ih kulh mi, Sangvut teel hluum bang in na pum mawi ee.

³Na siangṭaang ih pawhte tla cu, Zukneng faphirte vek an si.

⁴Saiho innsang a bang na hngawng, Heshbon khawpi kotka kiangih, Tili bangtuk na mit a si; Damaskas khawpi ral an vennak, Lebanon ram ralven innsang, Bang mi duhnung hnar mawi na nei.

⁵Karmel tlang bang na lu sangah a khai deudi, Na sam phiar mi pat femte naal bangin a tle; A mawinak in siangpahrang lungthin a kai thei.

⁶Na cuan a mawi, na hmel a ṭha, Zalung hneem thiamtu na duhnak.

⁷Zoh mawi tuumkung bang iang na nei, Na siangṭaang ah tumrah bor bang pawhte a um.

⁸Tuumkung parah kai in a rah cu lo hnik lang, Ka hrangah cun na pawhte cu, sabit rah bawrte vek a si. Na thawthawt epal rimthaw bang.

⁹Na kaa rim cu sabitti thlum bik khi a bang, sabitti luang detdo seh, lung ka duh hnen ah, A hmur a ha tiangin lon seh.

¹⁰Kei cu in ngaitu ih ta ka si, A hiar mi cu kei ka si.

¹¹Duhte ra aw, ramdai thiangah va leeng tlang in, Lai lungrawn khua ah caam uhsi.

¹²Zingthlapit in tho in sabit kung zoh uhsi; Cerh thlang in par thlang hai maw ti khi va zoh in, Taleti par thlang hai maw tin, A cuih hmuan ah lungsung duh bia thu lo ruah lang.

¹³Leeng-ai rah par rimhmui na hnim thei ding, Kan sangka kiangah thing rah tinkim an um ding; Lung ka duh aw, nomnak hlun le nomnak thar tla, Na hrang siseh ti in ka ret.