Read Falam Chin SOLOMON HLA 8 Bible Online

SOLOMON HLA 8 - Falam Chin bible

SOLOMON HLA 8

¹Sunghno ka nuih hnawiti cawm mi rak si ve in, Ka suahseempi ka ṭa sita la maw ka ti; An sial zatlanglam ih ka lo ton caang zongah, Hnam ning ka ti an phai relsiat hman phang lo leen.

²Lawipi ning law sunghno ka nuih ruuninn hnuai ah, Lungsak te leen dawtnak i sim thiam ding ka ti; Sabitti le taleti sawrmi rimthaw cu, Siah ta hnik ning na hrang haalriam na in dingah.

³Na keh lam in i ṭaangkham ih, Na vorhlam kut in kei i pom.

⁴Jerusalem leengrual le tla, Kan duh awknak kharhmar lo ding thu in kam uh.

⁵Husihmen maw thlaler ramṭhing lakin a ra, Lung a duh valpa thawn zaṭial tlai aw phah leen. Na suahsemnak lungrawn khawte, Epal thinghnuai ah lo ṭhang ing.

⁶Keimah siarlo leeng dang ngai hlah, Keimah siar lo na ṭaang cungah pom duh aw hlah; Zuunrim ngaih cu thih ṭian bang leen a fak ruangmang, Lungfah hi ee thih ṭian bang leen zaang mi zuun ngai; Meisa alh bang a hliau in hliau, Meisa kaang bang a alh in alh.

⁷Mit thei hlah ee dairial ti in, Ruun tilian in fen thei hlah ngai; Zokhal a lennak in duhnak lei tumtu cu, Nautatnak lawng a co sawn ding.

⁸Tleirawl leengno farnu kan nei, A pawhte cu a bomh pekte; Valno in a leen tikah khin, A hrangah ziang kan tuah sak ding?

⁹Seempi farnu kulh hauhruang phar va si sehla, Kan siamsak lai ngun lung dawl saang, Ruuninn kotṭial va si sehla, Sidar thing in kan kulh ih tur.

¹⁰Khawkulh hauhruang phar cu ka si, Ka pawhte lungdawl saang an si. Amah thawn um ka nomzia le ka hnangam hi, Duhhniang a man, a thei a si.

¹¹Baal Hamon an timi hmun ah, Ka Solomon in sabit hmuan a nei; Lo nga pek in a lo an thlo, Mi pakhat in a nga sum thawngkhat an pe.

¹²Maw Solomon, ngun thawngkhat cu na ta a si, Lo thlo pawl ih covo cu zahnih a si. Keimah bul in sabit hmuan ka nei.

¹³Ka dawt sunghno na aanka cu, Ka hmuan sungin i rak hlaan aw, ka lungduh; Hawidawt ṭhianrual mi tlan na aw an ngai duh hai.

¹⁴Ram sazuk bang ka hnen ra law, Maw ka dawt aw; Tlangthing kuai par hmui lak a ceel zukneng no bang.