Read Falam Chin ISAIAH 39 Bible Online

ISAIAH 39 - Falam Chin bible

ISAIAH 39

¹Cui caanah Babilon siangpahrang a si mi, Baladan fapa Merodak Baladan in siangpahrang Hezekiah a na ti kha a thei; curuangah ca pakhat le laksawng pakhat a kuat.

²Hezekiah cun Baladan ih palai pawl cu ṭhatein a rak zoh ih a lennak hmuahhmuah a hmuh ṭheh hai. A neih mi a sui le a ngun pawl, rimhmui le zihmui pawl, a ralkap le ralkap thilthuam hmuahhmuah tla a hmuh a si. A thilri retnak inn sungah siseh, a uknak sung hmuahhmuah ah siseh, a neih mi a hmuh lomi pakhat hman a um lo.

³Cule profet Isaiah cu siangpahrang Hezekiah hnenah a feh ih, “Himi pawl hi khui in so an rat? Na hnenah ziangso an sim?” tiah a sut. Hezekiah cun, “Ram hla zet, Babilon ram in an ra,” tiah a ti.

⁴Isaiah in, “Siangpahrang inn sungah ziangso an hmuh?” ti ih a sut tikah Hezekiah in, “Ziang hmuahhmuah an hmu ṭheh. Thilri retnak inn sungah ka hmuhter lomi thil zianghman a um lo,” tiah a ti.

⁵Cutikah Isaiah in, “Cungnungbik BAWIPA in,

⁶‘Na inn sungih a um mi hmuahhmuah, tuihsun tiangin na pu le na pa pawl ih an rak khawl mi thilri le hlawnthil pawl cu Babilon ramih an phurh ṭhehnak tikcu a rathleng ding. Zianghman a taanglo ding.

⁷Nangmaió tefasin pawl rori hman Babilon ah an hruai dingih Babilon siangpahrang inn ih hnaṭuantu dingah an til an per ding a si,’ a ti,” tiah a sim.

⁸Cumi cu siangpahrang Hezekiah in a theih tikah a nundam sungah cun daihnak le humhimnak a um ding, ti can ai a si tiah a zum ruangah Hezekiah cun, “BAWIPA hnen ihsin a ra mi thu i sim mi cu thuṭha a si,” tiah a sawn.