Read Falam Chin ISAIAH 4 Bible Online

ISAIAH 4 - Falam Chin bible

ISAIAH 4

¹Cui caan a kim tikah nunau pasarih in mipa pakhat an kai dingih, “Kanmah teón kan cawm aw ko ding; hnipuan tla in holh a ṭul lo ding; pasal nei theilo ih um ningzahnak ihsin kan luatnak ding ah kan pasal a si kan lo ti hram pei,” tiah an ti ding.

²Tikcu caan a rathleng dingih ramsung thingkung le rawlkung pawl cu BAWIPA in a tum ter dingih a mawiter ding. Israel mi sungin a taangmi pawl in an ramih a suak mi rawl an hmuh tikah an thin a nuam dingih an mithmai a ṭha saal ding.

³Jerusalem ih a taangmi, a nung dingah Pathian ih hrilmi pawl cu mithianghlim tiah kawh an si ding.

⁴BAWIPA in a cahnak huham thawn thu a ṭhen dingih ram a thianter ding. Cun Jerusalem sualnak le thisen thletnak cu a kholhfai ding.

⁵Cule Zion Tlang par le cutawkih a ra khawm mi pawl ih tlunah BAWIPA in sun ah khawdur a umter dingih zanah meikhu le meisa tleu a umter ding. Pathian ih sunlawinak huham in khawpi pumpi cu a khuh dingih a hum ding a si.

⁶BAWIPAIÓ sunlawinak in khawpi cu sun nisatnak ihsin a hneem dingih ruah a sur ih thlipi a hran hmanah beunak le himnak hmun a si ding.