Read Falam Chin ISAIAH 5 Bible Online

ISAIAH 5 - Falam Chin bible

ISAIAH 5

¹Ngaihnik uh, hla ka lo sak sak ding, Ka rualpa le a sabit hmuan hla cu: Ka rualpa in sabit hmuan a nei, Leilung ṭhazet tlangpar ram ṭhazet ah,

²Leilung a ceek ih lungto pawl a hrilfai ṭheh, Sabit kuang ṭhabik pawl a phun. Hmuan kilnak ah thlaam a sak ih, Sabit rialnak ah khur a lai. Cule sabit rah hmin ding a hngak, Asinain a sabit rah cu a zate in a thur thluh.

³Ka rualpa in, “Jerusalem le Judah ih a um mi pawl, ka sabit hmuan le keimah thu hi in ruat sak hnik uh.

⁴Ka sabit hmuan hrangah ka tuah lo mi ziangso a um. Asinain ziangah so ka ruah vekih sabit rah thaw suak loin sabit rah thur a suah?

⁵Ka sabit hmuan parah hi bangtuk in ka tuah ding. A hauhruang ka bauhṭheh dingih a kulhnak ka bal ṭheh ding; ramsa in an duh le ei in palsiat ṭheh hai seh.

⁶Hrampi kho in khat ṭheh seh. Sabit kuang cu ka thianfai nawn lo dingih a thlawh khal ka thlo nawn lo ding. Hling le so khat ṭheh seh. Khawdur khal ruah surter hlah aw tiah ka kham ding,” tiah a ti.

⁷Israel cu CungnungbikBAWIPAIÓ ih sabit hmuan a si; Judah mi cu a ciin mi sabit kuang ṭhazet an si. Ṭhatnak an tuah ding tiah a zum; Asinain mi an that ih thisen an luangter. A dikmi an tuah ding tiah a zum; Asinain an ṭhatlonak a tuartu pawl an ṭap an ai.

⁸Nan cem a si! Inn le lo nan neih cia mi tlunah inn dang le lo dang na beet vivo. A rei hlanah zohrang hmanah hmun le ram a um nawn lo dingih ram sungah nanmah lawng nan um ding.

⁹Cungnungbik BAWIPA in, “Hi inn tumpipi le inn mawizetzet hi a lawng ṭheh dingih a siat ṭheh ding.

¹⁰Rawl han nga[2] hmuan ih ciin mi sabit in sabitti cuai hnih lawng a suah ding. Thlaici han hra tuh mi in rawl han khat lawng a suah ding,” a ti mi ka thei zo.

¹¹Nan cem a si! Zingpit nan thawh vete in zu nan in ih zu nan rit ruangah zanlam tlaipi tiang nan meng.

¹²Nan puai caanah ṭingṭang le khuang le phirivau nan tum ih le sabit zu thawn nan ciah aw. AsinainBAWIPAIÓ in ziang a tuah ti nan thei thei lo.

¹³Curuangah sal kaih mi ah nan cang ding. Nan hotu pawl rawl loin an thi dingih mi zaaraan pawl cu tihal in an thi ding.

¹⁴Mithi khua in a pum a puar zo, a khop zo ti a nei lo; a kaa kau zetin a aang ringring. Jerusalem ih bawi le upa pawl khal a au a khuangih a hnok ceelceel mi mizaraan pawl thawn hmun khatah a dolh hai a si.

¹⁵Zozo khal an ning a zak dingih mi puarthau pawl hmuahhmuah ṭhum ṭheh an si ding.

¹⁶Asinain Cungnungbik BAWIPA in a cahnak huham a langter dingih a hman mi a tuah ding, a thianhlimnak cu a minung pawl thu a ṭhennak parah a langter ding a si.

¹⁷A siat ṭheh mi khawpi sungah cun tuu pawl in hrampi an ei dingih me pawl in tlimno an ngah ding.

¹⁸Nan cem a si! Nan sualnak ihsin nan luat suak thei nawn lo a si hi!

¹⁹“BAWIPA in ka tuah ding a ti mi cu zamrangin tuah sehla kan zohhnik pei cu. Israel ih Pathian thianghlim in a saduhthah cu tuah suak hnik seh; a ruah mi le a tumtah mi pawl cu hmu hnik uhsi!” nan ti.

²⁰Nan cem a si! Thilṭha lo cu thilṭha nan ti ih thilṭha cu thilṭha lo nan ti. Thimnak cu tleunak ah nan cangter ih tleunak cu thimnak ah nan cangter. A khaa mi cu a thlum ah nan tuah ih a thlum cu a khaa ah nan tuah a si.

²¹Nan cem a si! Kan fim, kan fim ngaingai tiah nan ruat aw!

²²Nan cem a si! Zu palang lamah micak pawl! Zu a phun phun rawi lamah cun ralṭha le ṭih neilo pawl nan si!

²³Asinain nawhthuh an lo pek ahcun mi mawh khal nan thlah hluahhlo ih mawh neilo sawn cu a thu nan theihsak lo.

²⁴Curuangah fangcang kungro le hrampi caar cu meisa in a huul ih a kaang ṭheh vekin nan hram pawl an muat dingih nan par mawi pawl an vuai dingih thli in a semhlo ṭheh ding; ziangahtile Israel ih Pathian thianghlim, Cungnungbik BAWIPA ih in zirh mi nan hnong a si.

²⁵A minung pawl parah BAWIPA cu a thin a hengih hrem dingah a kut a khai zo. Tlang pawl an hnin ṭheh dingih a thi mi pawl ih ruak cu hnawmhne bangin lamzin ah an ril teptep ding. Cui hnu hmanahBAWIPAIÓ thinhengnak cu a reh hrih lo dingih hrem dingah a kut a khai hrih ko ding.

²⁶BAWIPA in lamhlapi ih a um mi miphun khat ko dingah theihthiamnak a langter. Vanhram deng ihsin ra dingah hurhuuk in a ko. An ra ngaingai ih zamrangzet in an ra thleng.

²⁷An lakah a baang mi pakhat hman an um lo; pakhat hman a bah mi an um lo. An it lo, an sing fawn lo. An taikhap pakhat te hman a dor loih an kedam hri pakhat te hman a cat lo.

²⁸An conkiang pawl cu an hriam ngaingai; an li cu sai mai dingih nawp cia an si. An rang tin pawl cu ṭeeklung vekin an hak ih an rangleng ke pawl cu phusiing bangin an herh aw.

²⁹An ralkap pawl cu kiosa in sa an deh ih zohman lon thei lo dingah an tlanpi ih an ai an kio bangin an thawm a ring a si.

³⁰Cui ni a thlen tikah tifinriat awn vekin Israel tlunah an awn an au ding. Hi ram hi zohhnik uh. Thimnak le oloksongnak lawng a um. Tleunak cu thimnak in a dolh a si.