Read Falam Chin ISAIAH 61 Bible Online

ISAIAH 61 - Falam Chin bible

ISAIAH 61

¹BAWIPAIÓ thlarau cu ka hnenah a um ih cahnak in i khah ter. BAWIPA in i hril ih farah hnenah thuthangṭha sim dingah, Thinlung kuai mi damter dingah, Ral kaih mi pawl hnenih luatnak thu thantu dingah le thawngtla mi pawl hnenih luatnak thu sim dingah i thlah a si.

²BAWIPA in a minung pawl a runsuak dingih an ral pawl a nehnak tikcu a rathleng zo, ti ih thuthantu dingah i thlah a si. Riahsia mi pawl hneem dingah le

³Zion ih ninghangin a um mi pawl hnenah riahsiatnak ai ah lungawi thinnomnak, ninghannak ai ah thangṭhatnak hla thlentu dingah i thlah a si. BAWIPA amah in a phun mi, thingkung bangtuk an si ding. An zate in a hman mi an tuah dingih Pathian cu a thiltuah mi ruangah thangṭhat a si ding.

⁴Kum reipi hnawmpen ih a cangzo mi khawpi pawl cu an sak saal ding a si.

⁵Ka minung pawl ramdangmi in an lo rian ding. Nan tuurual pawl an kilkhawi ding; Nan lo an thlo dingih nan sabit hmuan an sial ding.

⁶Cule nannih cuBAWIPAIÓ puithiam timi nan si ding; Mi phundang pawl ih lennak cu nan ei dingih mi nan dawtsorh ding.

⁷Nan ningzahnak le nan mualphonak cu a cem a si. Nanmah ih ram sungah nan um dingih nan lennak cu a let hnih in a ṭhang ding. Kum khua in nan lung a awi ding.

⁸BAWIPA in, “Dingnak cu ka duh ih puarthaunak le thisen luannak cu ka hua a si. Ka minung pawl cu felte in an ṭuan man ka pe dingih anmah thawn kum khua in a hmun mi thukamnak ka tuah ding.

⁹Miphun hmuahhmuah lakah an hmin a thang ding; A hmutu hmuahhmuah in keimah ih ka thlawsuah mi miphun an si kha an thei ding,” tiah a ti.

¹⁰BAWIPAIÓ thiltuah mi ruangah Jerusalem cu a lung a awi. Ṭhit awknak puai hrangih a thuam aw mi mo vek a si. Pathian in runnak le nehnak thawn a thuam zo a si.

¹¹A siat mi um loih a kho mi le a ṭhang mi thlaici vekin, BAWIPA in a minung pawl cu a run ding. Cuticun BAWIPA cu miphun hmuahhmuah in an thangṭhat ding a si.