Read Falam Chin JEREMIAH 22 Bible Online

JEREMIAH 22 - Falam Chin bible

JEREMIAH 22

¹BAWIPA in David tesinfa Judah siangpahrang ih inn ah va feh in siangpahrang le a kut thuai bawl pawl le Jerusalem mipawl hnenah a thu simmi ngai dingin va sim aw, i ti. BAWIPA in,

³Keimah BAWIPA in thu ka lo pek a si: thil nan tuahmi hi dingthluk lairelnak le diknak thawn tuah uh. An bum reromi cu a bumtu kut ihsin hum uh. Ramdang mi siseh, farah ngakṭah le nuhmei pawl tisiat hlah uh. Hi hmun thianghlim ahhin mawh nei lo milai that hlah uh.

⁴Ka thupekmi vekih nan tuah ngaingai a si ahcun David tesinfa pawl sangpahrang an si ringring ko ding. Annih cu an kut thuai bawi pawl le an minung pawl thawn hi siangpahrang inn ih kotta sungin rang le rangleng thawn an suak an lut ko ding.

⁵Asinan ka thupekmi nan thlun lo a si ahcun, siatserh in ka lo kam, hi siangpahrang inn cu innrop ah a cang ding. Keimah BAWIPA in ka sim zo.

⁶Ka hrangah Judah siangpahrang ih inn cu Gilead ram le Lebanon Tlang bangin a mawi a si. Sikhalsehla zohman um duh lonak hmunṭhing ah ka tuah ding.

⁷A siatsuahtu dingah mi ka thlah. An hreitlung an keng ih a mawi zetmi sidar ṭhuam pawl cu an hau ding ih meisa sungah an paih ding.

⁸“Neh hnuah ramdangmi tampi hilam an rat tikah ziangahso BAWIPA in hi a nasa zetmi khawpi parah hivek in a tuah? tiah an sut ding.

⁹Cutikah an Pathian thawn an tuahmi thukamnak an dungtun ih khawzing dangdang an rian ruangah a si, tiah an ti ding,” a ti.

¹⁰Judah mipawl, siangpahrang Josiah cu ṭah hlah uh. A thih ruangah nan riahsia hlah uh. Asinan a fapa Joahaz hrangah napi in ṭap uh. Amah cu an hruaihlo dingih a kir nawn lo ding. A suahnak ram a hmu nawn lo ding.

¹¹BAWIPA in Judah siangpahrang a cangtu, a pa Josiah ai a awhtu Joahaz thu ah hitin a sim, “Anih cu hitawk ihsin a feh zo ih a ra kir sal nawn lo ding.

¹²An hruainak ram ah a thi ding ih hi ram cu a hmu nawn lo ding,” a ti.

¹³Dinlonak in a inn a saktu le, Nawhthuh ei-nakin a inn a kauh sintu, Zianghman pek loin a ram minung hna a ṭuantertu le Hlawhman zianghman a pe lotu cu a lamzin a pit a si.

¹⁴“Inn ṭhazet ka sak ding ih, Tlunta khan ah khan tum zetzet ka tuah ding,” a titu cu an lamzin a pit a si. Cutiin sangkate a tuah ih a sung thuah cu sidar thing in a tuah. Cuih hnuah sisen a hnih.

¹⁵Siangpahrang ṭhadeuh na si cuang maw? Sidar thing in inn na sa ih, midang inn hnakin a ṭhatdeuh hmanah. Na pa cu mi sanṭha zet a si. Miding le midik a si. A tuahmi hmuahhmuah ah a hlawhtling.

¹⁶Mi farah ih thu khal diktein a rel sak. A lamzin a tluang a si. BAWIPA theih ti cu cumicu a si.

¹⁷Asinan nang cun nangmah ih hlawknak lawng na hmu. Mawh nei lo milai na that ih, na minung pawl nasazetin na hrem a si. BAWIPA in a sim zo.

¹⁸Curuangah BAWIPA in Judah siangpahrang Josiah ih fapa Jehoiakim thu cu hitin a ṭong, “A thih ah zohman an ṭap lo ding; ‘Maw ka u, maw ka nau,’ tiah zohman an ṭap lo ding. ‘Maw ka BAWIPA, ka siangpahrang,’ tiah zohman mitthli tla in an ṭap lo ding.

¹⁹Laak a thih ih an phum tluk fang a si ding. A ruak cu an hnuk ding ih, Jerusalem kotka lengah an va hlon ding,” a ti. Jerusalem Thuhla Jeremiah Simmi

²⁰Maw Jerusalem mipawl, Lebanon ram ah feh uhla au uh; Bashan ram ah feh uhla ai uh, Moab ram tlangpar ihsin ko uh; ziangahtile a lo ṭanpitu le a lo duhtu ram hmuahhmuah, ral an sung ṭheh zo.

²¹Mi neinung nan si laiah, BAWIPA in thu a lo sim; Asinan nan rak ngai duh lo. Nan nunsung cuti ringring nan si. BAWIPA ih thu cu nan thlun duh dah lo.

²²Nan hotu pawl cu thlipi in a sem hlo ding. A lo ṭanpitu pawl cu ral kaihmi an si ṭheh ding. Nan khawpi ningzak le mualpho in a um ding; nan thil sual tuahmi ruangah.

²³Lebanon ihsin a rami sidar thing lakah thlangam zetin na cawl. Asinan nunau nau nei nat tuar bangin na hrangah a nazet ding, zaangfakza na si ding, Natnak ih a lo tlak tikah cun! Jehoiakhin Parih Pathian Thuṭhennak

²⁴BAWIPA in Judah siangpahrang Jehoiakim ih fapa siangpahrang Jehoiakhin hnenah, “A nungmi Pathian ka si vek hin, ka vorhlam ih hminkhennak zunghruk na si hmanah ka lo phuak ding ih,

²⁵nangmah thah a lo duhtu, na ṭih zetmi pawl hnenah ka lo pe ding. Babilon siangpahrang Nebukhadnezzer le a ralkap pawl hnenah ka lo pe ding.

²⁶Saltaannak ram ah nangmah cu na nu thawn ka lo dawi hlo ding. Nan suahnak ram a si lomi ah nan nufa in nan feh ding ih cutawkah nan pahnih in nan thi ding.

²⁷Hi ram hi na ngaizet ding, asinan na kir nawn lo ding,” a ti.

²⁸Kei in, “Siangpahrang Jehoiakhin cu a kuaimi beel, zohman ih an duh nawn lomi beel vekah maw a cang zo? Curuangah maw amah le a faate pawl an theih dah lomi saltannak ram ah hruaihlo an si?” ka ti.

²⁹Maw leilung, leilung, leilung, BAWIPA ih ṭongmi hi ngaihnik!

³⁰“Hipa cu a faate pawl hloral dingih ruahcia mi a si. Ziangtik hmanah hlawhtling lo dingmi a si. A tesinfa pawl sungin David ai-awhtu le, Judah ram a uktu ah zohman an um lo ding. Keimah BAWIPA in ka sim zo,” a ti.