Read Falam Chin JEREMIAH 35 Bible Online

JEREMIAH 35 - Falam Chin bible

JEREMIAH 35

¹Josiah ih fapa Jehoiakim cu Judah siangpahrang a si laiah BAWIPA in ka hnenah,

²“Rekhab miphun pawl ih innsang hmuahhmuah ah va feh awla thu va sim aw. Biakinn sungih a khaan pakhatkhat sungah rak hruai awla sabitti pe hai aw,” tiah i ti.

³Curuangah Rekhab hrin pawl, Habazziniah ih fapa Jeremiah dang ih fapa Jaazaniah le a unau pawl le a fapa pawl cu,

⁴Biakinn ah ka hruai. Igdaliah ih fapa profet Hanan ih dungthlun tu pawl ih khaan ah ka umter hai. Hi khaan cu Biakinn ih thuneitu bawi a si mi Shallum ih fapa Maaseiah khaan tlunah a si ih bawi dangdang pawl ih khaan kiangah a si.

⁵Cule khuat le pakan kuum khat in sabitti Rekhab mipawl hmai ahcun ka ret ih, “Sabitti in uh,” ka ti.

⁶Asinain annih in, “Sabitti kan in lo. Kan pu Rekhab ih fapa Jonadab in kanmah siseh kan tesinfa pawl siseh sabitti nan in hrimhrim lo pei in ti.

⁷Inn sak khal in kham; lo thlawh le sabit hmuan tuah khal in siang lo; a lei khal nan lei lo pei, a ti. Hi ramsung mikhual vekih kan umnak ram ahhin kan um suah theinak dingah puanthlam sungih um ringring dingah thu in pek a si.

⁸Jonadab ih in simmi le a thupekmi hmuahhmuah cu kan thlun ṭheh. Kanmah in sabitti kan in dah lo; kan nupi pawl, kan fanu le kan fapa pawl khal in an in dah lo a si.

⁹Kan umnak kan inn hrangah tiah inn kan sa dah lo; Puanthlam sungah kan um; sabit hmuan le lo le rawl tla kan nei lo. Kan pu Jonadab thupekmi hmuahhmuah in kimten kan thlun ṭheh a si.

¹¹Sikhalsehla siangpahrang Nebuchadnezzar in hi ram a do tikah Babilon ralkap le Siria ralkap pawl ṭih ah kan tlan ih Jerusalem ah feh uhsi kan ti ih curuangah atu Jerusalem ah kan um a si,” tiah an ti.

¹²Cutikah Cungnungbik BAWIPA, Israel ih Pathian in Judah le Jerusalem mi hnenah feh dingah le hiti ih va sim dingah i fial, “Keimah BAWIPA in, ziangah so ka thusimmi nan ngai duh lo ih ka thupekmi nan thlun duh lo? tiah ka lo sut.

¹⁴Rekhab miphun cu an pu Jonadab ih thupekmi kha a tesinfa pawl in an thlun ih tuihsun tiangin zohman in sabitti an in lo. Asinain nannih cu ka lo sim rero naón ka thu nan thlun duh lo.

¹⁵Ka sal profet pawl pakhat hnu pakhat nan hnenah ka thlah rero ih a dikmi tuah ih thilsual tuahnak nuncan tlansan dingah an lo sim rero. Nan pupa pawl le nanmah hnenih ka lo pekmi hi ram ahhin nan um thei ringringnak dingah Pathian dang pawl rian lo ding le bia lo dingah an lo sim, ralrinnak an lo pek. Asinain ka thusimmi cu nan ngai lo ih ziang hman ah nan siar lo.

¹⁶Jonadab ih tesinfa pawl cun an pu ih thupekmi an thlun naón nannih pawl cun ka thu nan thlun lo a si.

¹⁷Curuangah nannih Judah mi le Jerusalem mipawl nan parah keimah Cungnungbik BAWIPA, Israel ih Pathian in ka lo tiam ciami siatsuahnak hmuahhmuah ka thlenter ding a si. Hi bangtuk in nan parah ka thlenter ding, ziangahtile nan hnenih ka ṭong tikah nan ngai duh lo ih ka lo ko hai tikah in awi duh fawn lo,” tiah a ti.

¹⁸Cule Rekhab hrin pawl hnenah, “Cungnungbik BAWIPA, Israel ih Pathian in ‘Nan pu Jonadab ih thupekmi cu nan thlun ṭheh zo; a thuzirhmi tla nan ngai ih a lo simmi daan hmuahhmuah nan tuah ṭheh a si.

¹⁹Curuangah keimah Cungnungbik BAWIPA, Israel ih Pathian in thu ka lo kam. Rekhab fapa Jonadab in keimah riantu dingah tesinfa fapa cat loin a nei ringring ding,’ a ti,” tiah ka sim.