Read Falam Chin EZEKIEL 15 Bible Online

EZEKIEL 15 - Falam Chin bible

EZEKIEL 15

¹BAWIPA in ka hnenah,

²“Milaipa, sabit hri khi thingkung thawn ṭhim ding a um maw? sabit hnge pakhat cu tupi sungih thingkung pawl thawn ṭhim tikah ziangso ṭhathnemnak a neih?

³Sabit hnge cu ziangah a ṭhahnem maw? Thil zaarnak bantlang hri hman ah a ṭhahnem maw?

⁴Meisa muahnak lawngah a ṭhahnem a si. Sabit hnge cu a hram le a zim meisa in a kang ih a laifang tla a ro ṭheh hnu ahcun zianghman ah a ṭhahnem lo.

⁵Meisa ih ur hlan hrimhrim in santlaihnak a nei lo. Meisa in a ur ih a ut hnu sinsin ahcun santlaihnak zianghman a nei lo,” tiah a ti.

⁶Cungnungbik BAWIPA cun hiti in a ti: “Sabit hri cu tupi sungin an lak ih an ur vekin, Jerusalem khawsungih a ummi pawl cu ka la ding ih,

⁷ka hrem ding. Voikhatnak meisa ihsin an luat zo, asinain atu-ah meisa in ur an si ding. Ka hrem tikah cun BAWIPA ka si kha in thei ding.

⁸Rintlak ding um loin ka parih an nuncan ruangah hi ram cu ramṭhingah ka tuah ding,” a ti. Cungnungbik BAWIPA in a sim zo.