Read Falam Chin JONAH 2 Bible Online

JONAH 2 - Falam Chin bible

JONAH 2

¹Jonah cun ngapi pum sung ihsin BAWIPA a Pathian hnenah thla a cam:

²“Ka vansaannak sungin BAWIPA cu ka ko ih amah in i thei. Mithi khua ihsin bomnak ka dil, Ka aunak cu i thei zo.

³Nangmah in tipi thuuk sungah i hlon, Tipi laifang tawne ahcun! Tilik in in khuh; Na tilet le na thlisia pawl cu Ka par ihsin an liam vivo.

⁴Na mithmuh ihsin dawimi ka si ih Na Biakinn thianghlim cu ka hmu nawn lo ding, tiah ka ruat.

⁵Ka kiangih tidai pawl cun ka thaw in phit; In khuh ṭheh, tipithuanthum cun! Tisung hrampi in ka lu in tuam.

⁶Tlang saangpi hram ahcun ka pil vivo; Kotkhar in kumkhua ih hrennak ram ahcun! Asinain maw BAWIPA ka Pathian, Khur sung ihsin ka nunnak cu na suah.

⁷Ka nunnak cu ka sungih a cem cuahco tikah, BAWIPA cu ka hun mang sal. Ka thlacamnak na hnenah a thleng, Na Biakinn thianghlim sungah cun.

⁸Santlai lo milem a biatu pawl cun Pathian zaangfahnak an tlansan.

⁹Sikhalsehla kei cun na hnenah lungawinak hla thawn thawinak ka lo pe ding. Ka thukammi cu ka kimter ding, Rundamnak cu BAWIPA ih hnen ihsin a ra,” tiah a ti.

¹⁰Cule BAWIPA in ngapi a fial ih Jonah cu leilung parah a luak sal a si.