Read Falam Chin JONAH 3 Bible Online

JONAH 3 - Falam Chin bible

JONAH 3

¹BAWIPA ih ṭong cu Jonah hnenah a ra thleng sal ih,

²“Tho awla a nasa zetmi khawlipi Nineveh ah feh aw; ka lo sim ciami vekin ka thu va phuang aw,” tiah a ti.

³Jonah in BAWIPA ih thu a thlun ih Nineveh khua ah a feh. Nineveh cu khua tum ngaingai a si ih khawsung cu ni thum sung feh a si.

⁴Nikhat sung a feh ih Nineveh khua ahcun thu a sim: “Ni sawmli hnuah Nineveh khawpi hi a cem ding,” tiah a tlang-au ciamco.

⁵Cutikah Nineveh khua mi pawl in Pathian an zum. Nauta bik in upa bik tiang buri hnipuan an hruk ih rawl an ul.

⁶Cuih thu cu Nineveh siangpahrang in a theih tikah a siangpahrang tokham ihsin a tho ih a lal hnipuan a hlit hnuah buri hnipuan a hruk ih vutcam lakah a to.

⁷Cule Nineveh khawsung ah thu a than ih, “Nineveh siangpahrang le a tlangsuak pawl ih thuthan mi cu: Minung siseh, ṭilva siseh, caw siseh, tuu siseh zianghman nan ei lo pei; rawl nan ei lo pei ih tidai khal nan in lo pei.

⁸Minung siseh ramsa siseh, nan zatein buri hnipuan nan hruk pei ih nan aw neih patawp in Pathian nan ko pei. Zozo khal a thil sual tuahmi le a siatnak tlansan seh.

⁹Kan hlohral ṭheh lonak dingah Pathian in a thin a sup sal ih a thinhengnak a daiter khal a si thei,” tihi a si.

¹⁰Cutiih an tuahmi le an nundaan ṭha lo pawl an tlansan kha Pathian in a hmuh tikah a thin a sup sal ih an parah thlenter dingih a tummi siatsuahnak cu a thlengter sal lo.