Read Falam Chin MIPUM SIARNAK 26 Bible Online

MIPUM SIARNAK 26 - Falam Chin bible

MIPUM SIARNAK 26

¹Natsia a reh hnuah BAWIPA in Moses le Aaron fapa Eleazar hnenah,

²“Israel misenpi, kum kul le a tlunlam, ralkap a ṭuan thei dingmi hmuahhmuah innsang pakhat hnu pakhat in mipum siarnak nan tuah pei,” tiah a ti.

³BAWIPA ih thupekmi cu Moses le Eleazar in an thlun ih kum kul le a tlunlam mipa hmuahhmuah hmun khatah an kokhawm. Jerikho kiang, Jordan Tiva ralih Moab hmunrawn ah an tongkhawm aw. Izipt ram ihsin a suakmi Israel mi pawl cu a hnuailam bangtuk an si:

⁴

⁵Reuben phunhnam ihsin (Reuben cu Jakob fapa upabik a si): Hanok, Pallu,

⁶Hezron le Karmi hrin pawl an si.

⁷Hi hrin pawl sungah minung thawng sawmli thawng thum zasarih le sawmthum an kim.

⁸Pallu ih tesinfa pawl cu Eliab le,

⁹a fapa Nemuel, Dathan, le Abiram an si. Hi Dathan le Abiram cu misenpi ih hrilmi kha an si. Moses le Aaron ih thu an el ih BAWIPA an dodal tikah Korah dungthluntu pawl hnenah an tel ve.

¹⁰An dinnak ih leilung a kak ih a dolh thluh hai. Cule meisa in minung zahnih le sawmnga a ur that tikah Korah le a dungthluntu pawl hnenah an thi a si. Misenpi hrangah ralrinternak ah an cang.

¹¹Asinain Korah ih fapa pawl cu an thi lo.

¹²Simeon hnam ihsin Nemuel, Jamin, Jakhin,

¹³Zerah le Shaul hrin pawl an si.

¹⁴Hi hrin pawl sungin minung thawng kul hluanhnih le zahnih an kim.

¹⁵Gad hnam ihsin Zefon, Haggi, Shuni,

¹⁶Ozni, Eri,

¹⁷Arod le Areli hrin pawl an si.

¹⁸Hi hrin pawl sungin minung thawng sawmli le zanga an kim.

¹⁹Judah hnam ihsin (Judah fapa lakin pahnih, Er le Onan, cu Kanaan ramah an thi zo):

²⁰Shelah, Perez, Zerah,

²¹Hezron le Hamul hrin pawl an si.

²²Hi hrin pawl sungin minung thawng sawmsarih thawngruk le zanga an kim.

²³Issakhar hnam ihsin Tola, Puah,

²⁴Jashub le Shimron hrin pawl an si.

²⁵Hi hrin pawl sung ihsin minung thawng sawmruk thawng li le zathum an kim.

²⁶Zebulun hnam ihsin Sered, Elon, le Jahleel hrin pawl an si.

²⁷Hi hrin pawl sung ihsin minung thawng sawmruk le zanga an kim.

²⁸Josef hnam pawl ihsin fapa pahnih Manasseh le Efraim an si.

²⁹Manasseh hnam ihsin Manasseh fapa Makhir cu Gilead ih pa a si ih a tanglam hrin pawl cu Gilead ih cithlahmi an si.

³⁰Iezer, Helek,

³¹Asriel, Shekhem.

³²Shemida, le Hefer hrin pawl an si.

³³Hefer fapa Zelofehad cu fapa a nei lo; fanu lawng a nei ih an hmin cu Mahlah, Noah, Hoglah, Milkah, le Tirzah an si.

³⁴Hi hrin pawl sung ihsin minung thawng sawmnga thawnghnih le zasarih an kim.

³⁵Efraim hnam ihsin Shuthelah, Bekher, le Tahan hrin pawl an si.

³⁶Eran hrin cu Shuthelah cithlahmi an si.

³⁷Hi hrin pawl sung ihsin minung thawng sawmthum thawnghnih le zanga an kim. Hi pawl cu Josef ih tesinfa, an hrin ciar ih cithlah mi an si.

³⁸Benjamin hnam ihsin: Bela, Ashbel, Ahiram,

³⁹Shefufam, le Hufam hrin pawl an si.

⁴⁰Ard le Naaman hrin pawl cu Bela cithlah an si.

⁴¹Hi pawl cu Benjamin tesinfa sungin an hrin ciar ih cithlah mi an si; minung thawng sawmli thawngnga le zaruk an kim.

⁴²Dan hnam ihsin Shuham hrin an si.

⁴³Dan ih tesinfa pawl cu minung thawng sawmruk thawngli le zali an kim.

⁴⁴Asher hnam ihsin Imnah, Ishvi, le Beriah hrin pawl an si.

⁴⁵Heber le Malkhiel hrin pawl cu Beriah cithlahmi an si.

⁴⁶Asher in Serah timi fanu pakhat a nei.

⁴⁷Hi pawl cu Asher tesinfa an si ih an hrin sungin minung thawng sawmnga thawngthum le zali an kim.

⁴⁸Naftali hnam ihsin Jahzeel, Guni,

⁴⁹Jezer, le Shillem hrin pawl an si.

⁵⁰Hi pawl cu Naftali tesinfa pawl an si ih an hrin sungin minung thawng sawmli thawngnga le zali an kim.

⁵¹An zatein Israel mi mipa hmuahhmuah cu thawng zaruk thawng khat zasarih le sawmthum an si.

⁵²BAWIPA in Moses hnenah,

⁵³“An tam le an mal zoh in ram cu hi hrin pawl hi zem hai aw.

⁵⁴Ram cu camcawhfung zuk in ṭhen awla ramṭhen tum deuh cu mi tam deuh hrin hnenah pe awla ramṭhen fate deuh cu mi mal deuh hrin hnenah pe aw,” a ti.

⁵⁵

⁵⁶

⁵⁷Levi hnam ihsin Gershon, Kohath, le Merari hrin pawl an si.

⁵⁸A dang Levi hrin pawl cu Libni, Hebron, Mahli, Mushi le Korah cithlahmi an si. Kohath cu Amram ih pa a si ih,

⁵⁹Amram in Izipt ramih a suakmi Levi ih fanu Jokhebed a ṭhi. Cule Jokhebed in Amram cu fapa pahnih Aaron le Moses le an farnu Miriam a hrin a si.

⁶⁰Aaron in fapa pali a nei ih Nadab, Abihu, Eleazar, le Ithamar an si.

⁶¹Nadab le Abihu cu BAWIPA hnenih a thianghlim lomi thawinak an pek ruangah an thi zo.

⁶²Levi mi pawl cu mipa thla khat le thla khat tlunlam an zatein thawng kul hluanthlum an si. Levi mi pawl cu Israel ram sungah ram covo pekmi an si ve lo ruangah Israel midang pawl thawn rawi loin a dang teih cazin lakmi an si.

⁶³Hi hrin pawl hmuahhmuah cu Moses le Eleazar in Jerikho kiang, Jordan Tiva ral Moab hmunrawnih Israel mi pawl mipum siarnak an tuah tikah cazin an lakmi pawl an si.

⁶⁴Moses le puithiam Aaron in Sinai Nelrawn ih cazin an rak lak laiih minung pawl cu pakhat hman an taang nawn lo.

⁶⁵BAWIPA in an zatein hramlak ramthing ah an thi ṭheh ding, a ti bangtuk in Jefunneh fapa Kaleb le Nun fapa Joshua siar lo, an thi ṭheh ngaingai a si.