Read Falam Chin MIPUM SIARNAK 31 Bible Online

MIPUM SIARNAK 31 - Falam Chin bible

MIPUM SIARNAK 31

²“Israel mi pawl parih thil an tuahmi ruangah Midian mi pawl parah phu va hlam aw. Cumi na tuah ṭheh in leilung parih na nunnak cu a cem ding,” tiah a ti.

³Cutikah Moses in Israel mi pawl hnenah, “BAWIPA ih parih thil an tuahmi ruangah Midian mi pawl do ding le hrem dingin nan tim tuah uh.

⁴Israel hnam khat in ralkap thawng khat ciar suah uh,” a ti.

⁵Curuangah Israel hnam khat in minung thawng khat ciar an suak ih ral do dingah ralkap thawng hleihnih an tiar-aw.

⁶Cule Moses in puithiam Eleazar ih fapa, thilri thianghlim pawl kilvengtu, Finehas cu an hotu dingah le raldo thupeknak tawtawrawt pawl kengtu dingah a tuah ih ralkap thawng hleihnih cu a thlah.

⁷BAWIPA in Moses hnenih thu a pek bangtuk in Midian mi pawl cu an do ih mipa hmuahhmuah an thah ṭheh.

⁸Midian siangpahrang panga - Evi, Rekem, Zur, Hur, le Reba tla an thi. Midang tla tampi an that ih Beor fapa Balaam khal nam in an that.

⁹Cuih tlunah Israel mi pawl cun Midian nunau le nauhak pawl cu an kai ih an caw le an tuu le an ṭilva dang hmuahhmuah le an sumsaw hmuahhmuah tla khal an long ṭheh.

¹⁰An khawpi pawl le an riahbuk pawl khal an ur ṭheh a si.

¹¹An lonmi thilri hmuahhmuah le ṭilva pawl le ralkaihmi pawl cu,

¹²Jerikho khua in Jordan Tiva khatlam ral, Moab hmunrawnih a ummi Moses, Eleazar le Israel misenpi pawl hnenah cun an fehpi.

¹³Moses, Eleazar, le Israel hotu dang pawl hmuahhmuah cu ralkap pawl hmuak dingah an feh.

¹⁴Cutikah Moses cu raldonak ihsin a ra kirmi ralbawi thawngkhat hotu le zakhat hotu pawl parah cun a thin a heng ngaingai ih,

¹⁵“Zianghrangah nunau hmuahhmuah khal nan that lo?

¹⁶Balaam thu ngai tahratin Peor ah Israel misenpi pawl BAWIPA ih hmaiah misual hlawhhlang bangtuk ih a cantertu cu hi nunau pawl hi an si, ti nan thei lo maw? Curuangah a si BAWIPA ih minung pawl parih natsia a thlennak kha!

¹⁷Curuangah mipa pohpoh cu nauhak tiangin that uhla mipa a pawl ciami nunau hmuahhmuah khal that ṭheh uh.

¹⁸Asinain fala pawl le mipa a pawl hrih lomi nunau hmuahhmuah cu nanmah ih hrangah zuah uh.

¹⁹Cule mi a thattu le miruak a thamtu hmuahhmuah cu ni sarih sung riahhmun lengah nan um ding. Ni thumnak ni le ni sarihnak ni ah nanmah pawl thianghlimter aw uhla nan kaihmi nunau pawl khal thianghlimter uh.

²⁰Hnipuan siseh, savun in tuahmi thil siseh, mehmul le zanthing in tuahmi thil siseh, pakhat hman hrelh loin nan thiangfaiter ṭheh pei,” tiah a ti.

²¹Cule puithiam Eleazar in raldonak ihsin a rami ralkap pawl hnenah, “BAWIPA in Moses hnenih thu a pekmi cu hi pawl hi an si.

²²Meisa in a kangciam thei lomi sui, ngun, dar, thir, rangva, le suan pawl hmuahhmuah cu,

²³meisa in nan huul pei ih cuticun nan thianfaiter pei. A dang hmuahhmuah cu thianfainak tidai in nan kholhfai thluh pei.

²⁴Ni sarihnak ni ah nan hnipuan nan sawp thluh pei. Cuticun nan thiangfai pei ih riahhmun sungah luhter nan si pei,” tiah a ti.

²⁵BAWIPA in Moses hnenah,

²⁶“Nangmah le Eleazar le misenpi hotu pawl thawn an lonmi thilri, ṭilva, le an kaihmi minung cu siar thluh uh.

²⁷Cule bangrep in ṭhen hnih ah ṭhen uh. Ṭhen khat cu ral a dotu pawl hrangah a si pei ih a dang ṭhen khat cu Israel misenpi hrangah a si pei.

²⁸Ralkap pawl ih co dingmi sungin ralkaihmi zanga ah pakhat cu BAWIPA hrangih siah ah nan lak pei. Caw, laak, tuu, le me tla cuvek thotho in nan lak pei ih,

²⁹BAWIPA ih ta dingah Eleazar hnenah nan pek pei.

³⁰Cule misenpi pawl ih co dingmi sungin ralkaihmi sawmnga ah pakhat cu siah ah la awla, caw, laak, tuu, le me khal cuvek thotho in na lak pei. Cule BAWIPA ih Puanthlam kilvengtu Levi mi pawl hnenah na pek pei,” tiah a ti.

³¹BAWIPA ih tivek cun Moses le Eleazar in an tuah ṭheh.

³²A tanglam pawl cu ralkap pawl in anmah hrangih an retmi hlei ih an lakmi le an kaihmi pawl an si: tuu thawng zaruk thawng sawmsarih le thawng nga, caw thawng sawmsarih le thawng hnih, laak thawng sawmruk le thawng khat, le falahim thawng sawmthum le thawng hnih.

³³

³⁴

³⁵

³⁶Hi sungin a hrek ralkap pawl ih an co mi cu: tuu thawng zathum thawng sawmthum thawng sarih le zanga an si ih, BAWIPA hnenih pekmi siah ah zaruk sawm sarih le panga; caw thawng sawmthum le thawng ruk a si ih, BAWIPA hnenih pekmi siah ah sawm sarih le pahnih an pe; laak thawng sawmthum le zanga a si ih, BAWIPA hnenih pekmi siah ah sawmruk le pakhat an pe; cule falahim thawng hleiruk an si ih BAWIPA hnenih pekmi siah ah sawmthum le pahnih an pe.

³⁷

³⁸

³⁹

⁴⁰

⁴¹Cun BAWIPA ih thupekmi bangtuk in BAWIPA ih siah cu Moses in Eleazar hnenah a pek.

⁴²Cun Israel misenpi ih covo cu: tuu thawng zathum thawng sawmthum le thawng sarih le zanga, caw thawng sawmthum le thawngruk, laak thawng sawmthum le zanga, le falahim thawnghleiruk an si.

⁴³

⁴⁴

⁴⁵

⁴⁶

⁴⁷Hi sungin BAWIPA ih thupeknak bangtuk in minung siseh, ṭilva siseh, sawmnga ah pakhat cu Moses in a lak ih BAWIPA ih Puanthlam kilvengtu Levi mi pawl hnenah a pek.

⁴⁸Cule ralkap pawl hotu ralbawi pawl cu Moses hnenah an feh ih,

⁴⁹Moses hnenah cun, “Bawipa, kan homi kan ralkap pawl cu kan siar thluh ih an kim ṭheh a si.

⁵⁰Curuangah kan lak ciarmi sui hlawnthil, baannaal pawl, faute pawl, zunghruk pawl, hnakhai pawl, le ṭhi pawl kan rak keng a si. In tlennak dingah hi hlawnthil pawl hi BAWIPA ih hnenah kan nunnak aiah kan pek a si,” an ti.

⁵¹Cutikah Moses le Eleazar in an rak kenmi sui hlawnthil pawl cu an rak sang.

⁵²Ralbawi pawl ih pekmi sui hlawnthil cu azate in cuai za le cuai hra leng lo a rit.

⁵³Ralbawi a si lomi pawl cun an lak mi hlawnthil cu anmah ih hrang ciarah an ret.

⁵⁴Moses le Eleazar in BAWIPA ih Israel mi pawl a humnak dingah sui hlawnthil pawl cu Puanthlam sungah an ret.