Read Falam Chin ZEKHARIAH 2 Bible Online

ZEKHARIAH 2 - Falam Chin bible

ZEKHARIAH 2

¹Langnak dang pakhat ah mi pakhat tahnak hri a kut ah kengin ka hmu.

²“Khui-ah so na feh ding?” tiah ka sut. Anih in, “Jerusalem khawpi hi ziangcan a sau ih ziangtluk a kau ti theih duh ah ka tah ding,” a ti.

³Cule ka hnenih a ṭong rerotu vancungmi cu hmaiah a ra suak ih a dang vancungmi pakhat in a rak hmuak khi ka hmu.

⁴A hmaisa vancungmi in a neta hnen ahcun, “Va tlan awla, tahnak hri a kengtu tlangvalpa khi Jerusalem khawpi sungah minung le caw an tam ngaingai leh ding ih an tumtuk ah phar in kulh cawk a si lo ding.

⁵BAWIPA in thu a kam zo ih BAWIPA amah cu khawpi kimvel ah khawpi humtu meisa phar a si ding ih cu tawk ah a sunlawinak thawn a um ding a si, va ti aw,” tiah a ti.

⁶BAWIPA in a minung pawl hnenah, “Keimah in leilung khuazakip ah ka lo ṭhekdarh ṭheh. Asinain atu cu Babilon ram in ra suak uhla, Jerusalem ah ra kir sal uh, nannih saltaang pawl!

⁸Nanmah a lo hremtu in a lo dai tikah keimah ih mitmu a dai a si,” a ti. Curuangah Cungnungbik BAWIPA in keimah cu a minung pawl a ramtu miphun pawl hnen ah hi thu sim dingin i thlah.

⁹“BAWIPA keimah rori in ka lo do ding ih nan sal a rak si dah mi pawl in an lo ram ve thlang ding,” tiah Bawipa in a ti. Cumi a kim tikah Cungnungbik Bawipa ih thlahmi ka si kha zokhal in an thei ding.

¹⁰BAWIPA in, “Maw Jerusalem mi pawl, lungawi in hlasa uh. Nan hnenih um dingah ka ra lai a si,” a ti.

¹¹Cutikah cun miphun tampi BAWIPA ih hnenah an ra ding ih amah ih minung ah an cang ding. Nan lakah a um ding ih nan hnen ih i thlahmi ka si kha nan thei ding.

¹²Cutikah hi a ram thianghlim sungah hin Judah cu a hleice in amah ih ta an si ding ih Jerusalem cu khua dang hmuahhmuah hnak in a duh bikmi khawpi a si ding.

¹³BAWIPA ih umnak hmunah cun zokhal daitein um uh; ziangahtile a umnak hmun thianghlim ihsin a ra lai a si.